వైరల్ అవుతోన్న.. జర్మనీకి చెందిన 16వ శతాబ్దపు ఎంగేజ్ మెంట్ రింగ్ ఫొటో

జర్మనీకి చెందిన 16వ శతాబ్ధపు ఎంగేజ్ మెంట్ రింగ్ సోషల్ మీడియాలో వైరల్ అవుతోంది. తాను అమితంగా ప్రేమించే వ్య‌క్తి చేతిలో యావ‌త్ ప్ర‌పంచం ఇమిడిఉంద‌నేలా ఈ రింగ్‌ను డిజైన్ చేశారు. ఈ పోస్ట్‌కు 1.52 ల‌క్ష‌లకు పైగా లైక్స్‌తో పాటు పెద్ద‌సంఖ్య‌లో రియాక్ష‌న్స్ వ‌చ్చాయి.ఖ‌రీదైన సాలిటైర్స్ కంటే ఇది ఎంతో అర్ధ‌వంతంగా, మెరుగ్గా ఉంద‌ని ఈ రింగ్‌పై నెటిజ‌న్లు మ‌న‌సు పారేసుకున్నారు. ఈ రింగ్ ప్రేమ‌కు స‌రైన సంకేత‌మ‌ని ప‌లువురు నెటిజ‌న్లు కితాబిచ్చారు. ఈ రింగ్ చూసిన మ‌రుక్ష‌ణ‌మే తాను య‌స్ చెబుతాన‌ని ఓ ట్విట్ట‌ర్ యూజ‌ర్ తెలిపారు. అయితే ఇలాంటి రింగ్స్ ఇప్ప‌టికీ ఆన్‌లైన్‌లో అందుబాటులో ఉన్నాయ‌ని మ‌రికొంద‌రు కామెంట్స్ చేస్తున్నారు.