తోటి విద్యార్థులపై కాల్పులు .. ముగ్గురు మృతి .. ఎనిమిది మందికి గాయాలు ..

వాషింగ్ట‌న్ : మిచిగాన్ లోని ఓ స్కూల్ లో 15ఏళ్ళ బాలుడు తోటి విద్యార్థుల‌పై కాల్పులు జ‌రిపాడు. ఈ ఘ‌ట‌న‌లో ముగ్గురు మృతి చెందారు ..ఎనిమిది మంది గాయ‌ప‌డ్డారు. గాయ‌ప‌డిన వారిలో ఉపాధ్యాయుడు కూడా ఉన్నాడు. కాగా మృతి చెందిన వారిలో ఒక అబ్బాయి ..ఇద్ద‌రు అమ్మాయిలు ఉన్నారు. డెట్రాయిట్‌లోని ఆక్స్‌ఫర్డ్ హైస్కూల్‌లో ఈ దాడి జరిగిందని భద్రతాధికారి మైక్ మెక్‌కేబ్ తెలిపారు. మధ్యాహ్నం 12:55 గంటల సమయంలో పాఠశాలలో కాల్పులు జరుగుతున్నట్లు తమకు సమాచారం అందిందని వెల్లడించారు. నిందితుడు ప్రస్తుతం తమ అదుపులోనే ఉన్నాడని తెలిపారు. అతని నుంచి ఆటోమేటిక్ హ్యాండ్‌గన్ సహా పలు రౌండ్ల బుల్లెట్లను స్వాధీనం చేసుకున్నామని పోలీసులు తెలిపారు. గాయపడినివారిలో ఇద్దరికి సర్జరీ జరిగిందని, మరో ఆరుగురు క్షేమంగా ఉన్నారని వైద్యులు వెల్ల‌డించారు.