– ఇంటర్నెట్ డెస్క్, ఆంధ్రప్రభ
ప్రిడేటర్ డ్రోన్ల ద్వారా రక్షణ దళాలు భద్రత పరంగా మరింత పటిష్టంగా ఉంటాయని, ఈ డ్రోన్లతో దాదాపు 30 గంటలకు పైగా నిరంతరం నిఘా పెట్టవచ్చని తెలుస్తోంది. ప్రిడేటర్ డ్రోన్లు 30 గంటలకు పైగా ఆకాశంలో ఎగరగలిగే సామర్థ్యాన్ని ఉంటాయని అధికారులు చెబుతున్నారు. ఇక.. బోర్డర్లో కానీ, సముద్ర తీరంలో కానీ వీటి ద్వారా పెద్ద ఎత్తున ఫోకస్ చేసే చాన్స్ ఉంటుందని, ఎక్కువ స్సేస్ని కవర్ చేస్తాయని ఇండియన్ నేవీ చీఫ్ అడ్మిరల్ ఆర్. హరి కుమార్ తెలిపారు. కాగా, అమెరికా ప్రెసిడెంట్ జో బిడెన్ తో ఈ మధ్య భారత ప్రధాని మోదీ జరిపిన చర్చల్లో ప్రిడేటర్ డ్రోన్ల విషయం కూడా ఉందని ఆయన వెల్లడించారు. 31 ప్రిడేటర్ డ్రోన్ల కోసం భారతదేశం, అమెరికా3 బిలియన్ డాలర్ల ఒప్పందాన్ని కుదుర్చుకున్నట్టు తెలుస్తోంది. ఈ 31 డ్రోన్‌లలో నేవీకి 15 సీగార్డియన్ డ్రోన్లు అందనున్నాయి. అయితే.. ఆర్మీ, ఇండియన్ ఎయిర్ ఫోర్స్ (IAF) ల్యాండ్ వెర్షన్-స్కైగార్డియన్‌లో ఎనిమిది చొప్పున పొందే అవకాశం ఉంది.
అమెరికా నుండి 31 MQ-9B ప్రిడేటర్ డ్రోన్ల కొనుగోలు విషయంలో ఇంకా స్పష్టత రావాల్సి ఉంది. వాటి ధర, నిర్దిష్ట నిబంధనలను భారతదేశం ఇంకా ఖరారు చేయలేదు. ప్రొక్యూర్‌మెంట్‌ను ముగించే ముందు తయారీదారు ఇతర దేశాలకు అందించే రేట్కార్డణి కూడా పరిశీలిస్తామని రక్షణ మంత్రిత్వ శాఖ తెలిపింది. ఇక.. హై ఆల్టిట్యూడ్ లాంగ్ ఎండ్యూరెన్స్ (HALE) డ్రోన్ల విభాగంలోకి వచ్చే ఈ డ్రోన్లను భారత నావికాదళం నిఘాను మెరుగుపరచడానికి.. సముద్ర డొమైన్ అవగాహనను పెంచడానికి ఉపయోగిస్తోందని అడ్మిరల్ ఆర్ హరి కుమార్ వెల్లడించారు.
తమ నిఘా సామర్థ్యాలను పెంపొందించడానికి, సముద్ర పరిసరాలపై అవగాహన పెంపొందించుకోవడానికి ఈ డ్రోన్ల అవసరాన్ని గుర్తించినట్టు అడ్మిరల్ ఆర్. హరి కుమార్ చెప్పారు. 2020, నవంబర్ నుంచే నేవీ రెండు ప్రిడేటర్ డ్రోన్లను లీజుకు తీసుకుందని, అప్పటి నుంచి వాటిని విజయవంతంగా నిర్వహిస్తోందని ఆయన తెలిపారు.
