అమెరికా అంతరిక్ష ప్రయోగ సంస్థ నాసా (National Aeronautics and Space Administration) చేపట్టిన ప్రయోగం మరోసారి విఫలమైంది. చంద్రుడి చుట్టూ ప్రదక్షిణ చేయాల్సిన 30-అంతస్తుల ఆర్టెమిస్ మూన్ రాకెట్ తొలి టెస్ట్ ఫ్లైట్‌ను ప్రారంభించేందుకు ఇవ్వాల (శనివారం) తన రెండో ప్రయత్నాన్ని కూడా విరమించుకుంది. ఇంధనం లీకేజీతో ఈ రాకెట్ ప్రయోగాన్ని రెండవసారి రద్దు చేసినట్టు తెలుస్తోంది. లిక్విడ్ హైడ్రోజన్‌ను రాకెట్‌లోకి నింపుతుండగానే ఈ లీకేజీ జరిగినట్టు సమాచారం. అయితే.. దీనికి సంబంధించి మరో ప్రయత్నం చేయనున్నట్టు తెలుస్తోంది. దీని తేదీ మాత్రం నాసా ప్రకటించలేదు.
ఇంధన లీక్ సమస్యను పరిష్కరించడానికి బృందం ప్రయత్నించింది, కానీ విఫలమైంది అని NASA ఒక ప్రకటనలో తెలిపింది. చంద్రునిపైకి ఆర్టెమిస్ I మిషన్ వాయిదా వేశాం. హార్డ్ వేర్‌లో లీక్‌కు సంబంధించిన సమస్యను పరిష్కరించడానికి తమ బృందాలు ప్రయత్నించాయి. రాకెట్‌లోకి ఇంధనాన్ని ట్రాన్స్ఫర్ చేయడంలో సమస్య తలెత్తడమే దీనికి కారణం”అని నాసా తెలిపింది.
రాకెట్‌ను ప్రయోగించడానికి ఇంధనం నింపుతున్నప్పుడు త్వరిత డిస్‌కనెక్ట్‌లో సరఫరా వైపు లీక్ అయినట్టు తమ సిబ్బంది గుర్తించారు. లాంచ్ డైరెక్టర్ చార్లీ బ్లాక్‌వెల్-థాంప్సన్, ఆమె బృందం వారు చివరిసారి చేసిన విధంగా లీక్‌ను పూడ్చేందుకు ప్రయత్నించారు. వారు సరఫరా లైన్‌లోని సీల్ చుట్టూ ఉన్న ఖాళీని తొలగించాలనే ఆశతో సూపర్-కోల్డ్ లిక్విడ్ హైడ్రోజన్ ప్రవాహాన్ని ఆపడానికి.. పునఃప్రారంభించేందుకు ప్రయత్నించారు.
కాగా, బ్లాక్‌వెల్-థాంప్సన్ చివరకు మూడు నుండి నాలుగు గంటల ప్రయత్నం తర్వాత కౌంట్‌డౌన్‌ను నిలిపివేశారు అని NASA లాంచ్ వ్యాఖ్యాత డెరోల్ నెయిల్ ప్రకటించారు. వారం ముందు కూడా నాసా మొదటి ప్రయత్నంలో హైడ్రోజన్ ఫిల్లింగ్ ప్రాబ్లమే ఎదురయ్యింది.