ప్రభుత్వ భ‌వ‌నాల‌తో పాటు 20కోట్ల ఇళ్ల‌పై జాతీయ జెండాను ఎగ‌ర‌వేయాల‌ని నిర్ణ‌యం తీసుకుంది కేంద్ర ప్రభుత్వం. 76వ స్వాతంత్య్ర దినోత్స‌వాన్ని పుర‌స్క‌రించుకుని ఈ ప్రత్యేక కార్యక్రమానికి శ్రీకారం చుట్టింది. ఈ ఉద్యమంలో భాగస్వాములు కావాలని ప్రధాని నరేంద్ర మోడీ స్వయంగా దేశప్రజలకు విజ్ఞప్తి చేశారు. వచ్చే నెల ఆగస్టు 13 నుంచి ఆగస్టు 15 వరకు తమ ఇళ్లలో జాతీయ జెండాను ఎగురవేయడం ద్వారా ‘ హర్ ఘర్ తిరంగా’ ప్రచారాన్ని బలోపేతం చేయాలని అన్నారు. ఈ ప్రచారం త్రివర్ణ పతాకంతో మనకున్న అనుబంధాన్ని మరింతగా పెంచుతుందని ప్రధాని మోడీ ట్వీట్ ద్వారా కోరారు. కేంద్రం చేపట్టిన ఈ ప్రత్యేక కార్యక్రమానికి ‘హర్ ఘర్ తెరంగా’ అని పేరు పెట్టారు.
ఆగస్టు నెలలో మూడు రోజుల పాటు ఇంటింటికి జెండాలు ఎగురవేయనున్నారు. ప్రభుత్వ భవనాలు, ప్రభుత్వ కార్యాలయాలు, స్వచ్ఛంద సంస్థలు, రెస్టారెంట్లు, షాపింగ్ మాల్స్, టోల్ ప్లాజాలు, పోలీస్ స్టేషన్లలో జాతీయ జెండాను ఎగురవేయాలని యోచిస్తున్నారు. ఈ కార్యక్రమంలో పాల్గొనాలని దేశ ప్రజలందరికీ ప్రధాని ట్వీట్‌లో విజ్ఞప్తి చేశారు. ఈ ఏడాది స్వాతంత్ర్య అమృత్ మహోత్సవ్ జరుపుకుంటున్న వేళ, ప్రతి ఇంట్లో త్రివర్ణ పతాకాన్ని ఉధృతం చేద్దాం. ఆగస్టు 13 నుంచి 15వ తేదీల మధ్య మీ ఇంట్లో త్రివర్ణ పతాకాన్ని ఎగురవేయండి లేదా జెండాను ఎగురవేయండి.
ఈ ఉద్యమం జాతీయ జెండాతో మన బంధాన్ని మరింత బలోపేతం చేస్తుంది.మరో ట్వీట్‌లో ప్రధాని మోదీ, ‘ఈరోజు జూలై 22కి మన చరిత్రలో ప్రత్యేక ప్రాముఖ్యత ఉంది. 1947లో ఈ రోజున మన జాతీయ జెండాను స్వీకరించాం అన్నారు. పాలిస్టర్‌తో తయారు చేసిన జాతీయ జెండా విక్రయాలపై వస్తు సేవల పన్నును కేంద్ర ప్రభుత్వం మినహాయించింది. పత్తి, పట్టు, ఉన్ని లేదా ఖాదీతో తయారు చేసిన చేతితో నేసిన జాతీయ జెండాలు ఇప్పటికే అటువంటి పన్ను నుండి మినహాయించబడ్డాయి. డిసెంబరు 2021లో చేసిన సవరణలతో సహా ఫ్లాగ్ కోడ్ 2002ని అనుసరించే భారత జాతీయ పతాకాన్ని GST నుంచి మినహాయించనున్నట్లు ఆర్థిక మంత్రిత్వ శాఖ ఆధ్వర్యంలోని రెవెన్యూ శాఖ ఒక ప్రకటనలో తెలిపింది.