ఎన్ కౌంట‌ర్ లో మ‌రో కీల‌క నేత మృతి..సాకేత్ గా గుర్తింపు..

మావోయిస్టుల‌కి వ‌రుస‌గా ఎదురు దెబ్బ‌లు త‌గులుతున్నాయి. ఇప్ప‌టికే వ‌రుస‌ ఎన్ కౌంట‌ర్ ల‌తో మావోయిస్ట్ కీల‌క నేత మ‌ర‌ణించాడు. కాగా మ‌రో కీల‌క నేత ఎన్ కౌంట‌ర్ లో మృతి చెందాడు. ఈ సంఘ‌ట‌న ఛ‌త్తీస్ ఘ‌డ్ లో చోటు చేసుకుంది.. నారాయణ్ పూర్ జిల్లాలో ఎన్ కౌంటర్ చోటు చేసుకుంది. ఈ ఘ‌ట‌న‌లో మ‌ర‌ణించింది కంపెనీ కమాండర్ సాకేత్ గా పోలీసులు గుర్తించారు. చోటే డొంగర్ పరిధిలో ఈ ఘటన చోటు చేసుకుంది. కూబింగ్ కోసం డీఆర్జీ జవాన్లు వెళ్ళగా.. నక్షల్స్, జవాన్ల మధ్య ఎదురు కాల్పులు చోటుచేసుకున్నాయి. ఈ కాల్పుల్లో మావోయిస్ట్ నేత సాకేత్ మృతి చెందారు. ప్రస్తుతం జవాన్ల గాలింపు కొనసాగుతూనే ఉంది. మరో వైపు పలువురు మావోయిస్ట్ నేతలు అనారోగ్యం బారిన పడి ఆస్పత్రుల పాలు అవుతున్నారు.