తెలంగాణలో ఉత్కంఠ రేపుతున్న హుజురాబాద్ ఉపఎన్నికపై మంత్రి కేటీఆర్ కీలక వ్యాఖ్యలు చేశారు. తెలంగాణ భ‌వ‌న్‌లో మంగ‌ళ‌వారం మీడియాతో కేటీఆర్ చిట్ చాట్ చేశారు. ఈ సందర్భంగా హుజూరాబాద్‌లో టీఆర్ఎస్ పార్టీ క‌చ్చితంగా గెలుస్తుంద‌ని ధీమా వ్యక్తం చేశారు. హుజూరాబాద్‌లో బీజేపీ, కాంగ్రెస్ కుమ్మ‌క్క‌య్యాయన్న కేటీఆర్.. ఈట‌ల కోసం కాంగ్రెస్ డ‌మ్మీ అభ్య‌ర్థిని నిల‌బెట్టింద‌ని చెప్పారు. పీసీసీ అధ్యక్షుడు రేవంత్ రెడ్డికి ద‌మ్ముంటే హుజూరాబాద్‌లో డిపాజిట్ తెచ్చుకోవాల‌ని కేటీఆర్ స‌వాల్ చేశారు. కొంత‌కాలం త‌ర్వాత ఈట‌ల‌ను కాంగ్రెస్‌లోకి ఆహ్వానిస్తారని వ్యాఖ్యానించారు. మాజీ ఎంపీ వివేక్ కూడా కాంగ్రెస్‌లోకి వెళ్తార‌ని సంచలన వ్యాఖ్యలు చేశారు. కాంగ్రెస్ పార్టీలో భ‌ట్టి విక్ర‌మార్క ఒక్క‌రే మంచి వ్య‌క్తి అన్న కేటీఆర్… కాంగ్రెస్‌లో భ‌ట్టిది న‌డ‌వ‌ట్లేదన్నారు.
ఇది కూడా చదవండి: రైతులకు సీఎం కేసీఆర్ శుభవార్త.. ఇక ఆందోళన చెందొద్దు