తెలంగాణ ప్రభుత్వం ప్రతిష్టాత్మకంగా చేపట్టిన ఏడోవిడత హరితహారం కార్యక్రమం గురువారం ప్రారంభమైంది. హైదరాబాద్‌లోని పెద్ద అంబర్పేట్ కలాన్ వద్ద మంత్రి కేటీఆర్ మొక్కను నాటి హరితహారాన్ని ప్రారంభించారు. అనంతరం కలాన్‌లో ఏర్పాటు చేసిన అర్బన్ ఫారెస్ట్ పార్కును మంత్రులు సబితా ఇంద్రారెడ్డి, ఇంద్రకరణ్ రెడ్డిలతో కలిసి ప్రారంభించారు.
ఆకుపచ్చ తెలంగాణ లక్ష్యంగా రాష్ట్ర ప్రభుత్వం చేపట్టిన హరితహారం మళ్లీ ప్రారంభమైందని తెలిపారు. ఏడో విడత హరితహారంలో భాగంగా రాష్ట్ర వ్యాప్తంగా ఈసారి దాదాపు 20 కోట్ల మొక్కలు నాటనున్నట్లు కేటీఆర్ వెల్లడించారు. దానికి అనుగుణంగా అందరూ మొక్కలు నాటాలని సూచించారు. రహదారుల వెంట బహుళ దశల్లో వనాలను అభివృద్ధి చేసేందుకు ప్రాధాన్యం ఇస్తున్నామని మంత్రి కేటీఆర్ వివరించారు.
ఇది కూడా చదవండి: రేవంత్‌రెడ్డికి పెరుగుతున్న బలం.. కొండా మద్దతు కూడా ఆయనకే