మీడియా కంగారు కోర్ట్ ల‌ను న‌డుపుతోంద‌ని దీని వ‌ల్ల అనుభవజ్ఞులైన న్యాయమూర్తులు కూడా తీర్పులివ్వ‌డంలో స‌త‌మ‌త‌ప‌డుతున్నార‌ని మండిప‌డ్డారు. శనివారం జార్ఖండ్ రాజధాని రాంచీలో జరిగిన ఒక కార్యక్రమంలో ప్రసంగిస్తూ.. అనేక న్యాయపరమైన సమస్యలపై తప్పుడు సమాచారం, ఎజెండా అమలు చేయడం ప్రజాస్వామ్యానికి హానికరమని హెచ్చ‌రించారు. ఎలక్ట్రానిక్ కంటే ప్రింట్ మీడియా జవాబుదారీగా ఉందని అభివర్ణించిన ఆయన.. మనం మన బాధ్యతల నుంచి పారిపోలేమని అన్నారు. ఇలాంటి ధోరణి మమ్మల్ని వెనుకకు నెట్టివేస్తోందని ఆగ్రహం వ్య‌క్తం చేశారు.న్యాయమూర్తులకు వ్యతిరేకంగా సామాజిక మాధ్యమాల్లో ఏకీకృత ప్రచారాలు జరుగుతున్నాయనీ, న్యాయమూర్తులు వెంటనే స్పందించకపోవచ్చు.
దయచేసి దీనిని బలహీనత లేదా నిస్సహాయత అని తప్పుపట్టవద్దని జస్టిస్ రమణ అన్నారు. కొత్త మీడియా సాధనాలు అపారమైన యాంప్లిఫైయింగ్ సామర్థ్యాన్ని కలిగి ఉన్నాయనీ, అయితే .. వాస్త, ఆవాస్త‌వలు, మంచి- చెడుల మధ్య తేడాను గుర్తించటం లేద‌ని ప్రధాన న్యాయమూర్తి ఆగ్రహం వ్య‌క్తంచేశారు. ఈ మ‌ధ్యకాలంలో న్యాయమూర్తులపై భౌతిక దాడులు పెరుగుతున్నాయని, భద్రత లేదా భద్రతకు ఎటువంటి హామీ లేకుండా, న్యాయమూర్తులు ప్రజలను దోషులుగా నిర్ధారించిన సమాజంలో జీవించాలని ఆయన అన్నారు. ప్రజాస్వామ్య జీవితంలో న్యాయమూర్తి స్థానం ప్రత్యేకమైందన్నారు. న్యాయమూర్తులు సమాజం యొక్క వాస్తవికత, చట్టం మధ్య అంతరాన్ని తొలగిస్తార‌నీ, రాజ్యాంగ విలువలను రక్షిస్తాడని తెలిపారు.