లాక్ డౌన్ ఎఫెక్ట్: మార్కెట్లు, వైన్ షాపుల వద్ద భారీగా రద్దీ..

తెలంగాణ రాష్ట్రంలో లాక్‌డౌన్‌ అమలులోకి రావడంతో.. ఉదయం 10 గంటల వరకు అన్ని మార్కెట్లు, వైన్ షాప్స్ ఓపెన్ ఉండనున్నాయి. దీంతో వైన్ షాపులు, మార్కెట్లలో రద్దీ ఎక్కువగా కనిపిస్తుంది. హైదరాబాద్ రోడ్లపై భారీగా జనాలు సంచరిస్తున్నారు. నిత్యావసరాల కోసం ఉదయం నుంచే రోడ్లపైకి ప్రజలు వస్తున్నారు. కేవలం నాలుగు గంటలు మాత్రమే అన్ని కార్యక్రమాలకు అనుమతినిచ్చారు. నాలుగు గంటలే సడలింపుతో వైన్ షాపులు, మార్కెట్లలో రద్దీ ఎక్కువగా కనిపిస్తోంది. కొనుగోలుదారులతో మోండా మార్కెట్ కిక్కిరిసింది. అటు సొంతూళ్లకు వెళ్లే ప్రయాణికులతో కూడా బస్ స్టేషన్లు, రైల్వే స్టేషన్లు రద్దీగా మారాయి.