ఆర్కే అంతిమ‌ వీడ్కోలు.. ఫొటోలు విడుదల చేసిన మావోయిస్టు పార్టీ

తెలంగాణ సరిహద్దు ప్రాంతంలో మావోయిస్టు సీనియ‌ర్ నేత ఆర్కే అంత్యక్రియలు జ‌రిగాయి. ఈ మేర‌కు శ‌నివారం మావోయిస్టు పార్టీ నేత‌లు ఫొటోల‌ను రిలీజ్ చేశారు. పామేడు-కొండపల్లి సరిహద్దు ప్రాంతాల్లో ఈ అంతిమ సంస్కారాలు నిర్వ‌హించారు. శుక్ర‌వారం మధ్యాహ్నం రెండు గంటలకు కార్య‌క్ర‌మం పూర్తి చేసిన‌ట్టు తెలుస్తోంది. అంత్యక్రియలకు భారీగా మావోయిస్టులు హాజ‌రై నివాళుల‌ర్పించారు. మావోయిస్టు పార్టీ లాంఛనాలతో చివ‌రి వీడ్కోలు ప‌లుకి.. ఆర్కే మృతదేహంపై ఎర్ర జెండా ఉంచి నివాళులు అర్పించారు.