పశ్చిమ బెంగాల్ సీఎం మమతా బెనర్జీ గవర్నర్ జగ్‌దీప్ ధన్‌ఖర్ను ట్విట్టర్లో బ్లాక్ చేశారు. అతనితో విధానపరమైన విభేదాల కారణంగానే బ్లాక్ చేయాల్సి వచ్చిందన్నారు మమతా. కాగా, అతని తీరు అస్సలు బాగాలేదని, ఇప్పటికి ఎన్నో ఫైళ్లు సంతకాలు చేయకుండా పెండింగ్లో పెడుతున్నారని పేర్కొన్నారు. ఇప్పటిదాకా చాలా ఓపికిగా ఎదురుచూశాం.
చాలా సార్లు అతని ధోరణిపై ప్రధాని మోడీకి కూడా లేఖలు రాశాను. అయినా అతని ప్రవర్తనలో కొంచెం కూడా మార్పు రాలేదు. పైగా పెగాసెస్ వంటి స్పైవేర్ని గవర్నర్ తన హౌస్ నుంచి నడిపిస్తున్నట్టు మాకు సమాచారం ఉంది. ఇవ్వన్నీ ప్రధానికి చెప్పినా అతడిని తొలగించకపోవడంలోఆంతర్యం ఏమిటో అర్థం కావడం లేదు అని మమత చెప్పుకొచ్చారు.. తమ ఫోన్లను ట్యాప్ చేస్తున్నారని గవర్నర్పై దీదీ అభియోగాలు మోపారు.