టాటా ఐపీఎల్ 2022లో భాగంగా ఇవ్వాల ముంబైలో 63వ మ్యాచ్ జరుగుతోంది. ఈ మ్యాచ్లో రాజస్థాన్ రాయల్స్, లక్నో సూపర్ జెయింట్స్ తలపడుతున్నాయి. ఫస్ట్ బ్యాటింగ్ చేసిన రాజస్థాన్ జట్టు బ్యాటింగ్లో తడబడింది. నిర్ణీత ఓవర్లలో 178 పరుగులు చేసి, లక్నోకి 179 పరుగుల టార్గెట్ పెట్టింది. కాగా, లక్ష్య ఛేదనకు బరిలోకి దిగిన లక్నో జట్టు తొలి 8 ఓవర్లలోనే కీలకమైన 3 వికెట్లు పోగొట్టుకుంది. 10వ ఓవర్ వరకు 66 పరుగులు చేసి 3 వికెట్ల నష్టంతో బ్యాటింగ్ కొనసాగిస్తున్నారు. కాగా, కృణాల్ పాండ్యా, దీపక్ హుడా లక్నో జట్టును ముందుకు నడిపిస్తున్నారు.
అయితే.. ఆరంభంలోనే రాజస్థాన్ ఆటగాళ్లు జోస్ బట్లర్ (2) అవుటైనా.. మరో ఓపెనర్ యశస్వి జైస్వాల్ (41), సంజూ శాంసన్ (32), పడిక్కల్ (39) రాణించారు. దాంతో భారీ స్కోరు చేసేలా కనిపించిన రాజస్థాన్‌ను రవి బిష్ణోయి, బదోనీ దెబ్బ కొట్టారు. ఆ తర్వాత వచ్చిన రియాన్ పరాగ్ (19), జేమ్స్ నీషమ్ (19) భారీ షాట్లు ఆడలేకపోయారు.
చివర్లో బౌల్ట్ (17 నాటౌట్), అశ్విన్ (10 నాటౌట్) కలిసి మూడు ఫోర్లు బాదడంతో నిర్ణీత 20 ఓవర్లు ముగిసే సరికి రాజస్థాన్ జట్టు 6 వికెట్ల నష్టానికి 178 పరుగులు చేసింది. లక్నో బౌలర్లలో బిష్ణోయి రెండు వికెట్లతో సత్తా చాటగా.. హోల్డర్, బదోని, ఆవేష్ ఖాన్ తలో వికెట్ తీసుకున్నారు.
