ఆర్టీసీ బస్సును ఢీకొట్టిన లారీ.. తృటిలో తప్పిన పెను ప్రమాదం

అద్దంకి- నార్కెట్ పల్లి రహదారిపై రోడ్డు ప్రమాదం జరిగిం. రామాంజనేయ పురం సమీపంలో ఆగి ఉన్న బస్సును  వెనుక నుండి లారీ ఢీకొట్టింది. ఈ ఘటనలో ఇరువురికి స్వల్ప గాయాలు కాగా, బస్సు పూర్తిగా దెబ్బతింది. వివరాల్లోకి వెళితే హైదరాబాద్ నుండి ఒంగోలు వెళ్తున్న మియాపూర్ డిపోకు చెందిన ఆర్టీసీ బస్సు రామాంజనేయ పురం వద్ద ప్రయాణికుడిని దింపేందుకు ఆగింది. అదే సమయంలో బస్సు వెనుక పైపు నుంచి వచ్చిన లారీ బలంగా ఢీకొట్టింది. దీంతో బస్సు ముందు వైపు ఉన్న దుకాణాల్లో దూసుకెళ్లింది. అయితే, ఆ సమయంలో దుకాణంలో ఎవరూ లేకపోవడం, బస్సు లోపల కూడా ప్రయాణికుల సంఖ్య కూడా తక్కువగా ఉండటంతో త్రుటిలో పెనుప్రమాదం తప్పింది. గాయపడ్డ ప్రయాణికుల్ని అద్దంకి ప్రభుత్వ వైద్యశాలకు తరలించారు. ఎస్ఐ వేమన కేసు నమోదు చేసి దర్యాప్తు చేస్తున్నారు.