సోషల్ మీడియా అంటేనే ఇష్టమున్నట్టు భావ వ్యక్తీకరణ చేయడం.. అయితే దాని వల్ల మంచి ఎంత ఉందో, చెడు దానికంటే రెట్టింపు స్థాయిలో ఉంది. దీంతో చాలామంది ప్రాణాలు తీసుకుంటున్న సిచ్యుయేషన్ ఉంది. సోషల్ మీడియాలో వచ్చే పనికిమాలిన పోస్టులు, అసభ్యకరమైన వాటితో అవమానాలు భరించలేక ఎంతోమంది ఆత్మహత్యలకు పాల్పడుతున్నారు. విలువైన తమజీవితాలను పోగొట్టుకుని కన్నవారికి కడుపుకోత మిగులుస్తున్నారు.
అయితే.. ఇట్లాంటి సోషల్ మీడియా కోరలు విరిచేందుకు జపాన్ పార్లమెంట్ సన్నద్ధమైంది. సోషల్ మీడియాలో నైతికత విలువలు పాటించేలా ఇవ్వాల బిల్ పాస్ చేశారు. ఈ రూల్స్ మీరిన వారికి పెద్ద ఎత్తున ఫైన్ వేయబోతున్నట్టు తెలుస్తోంది. అయితే. దీనిపై తెలంగాణ యంగ్ లీడర్, టీఆర్ఎస్ వర్కింగ్ ప్రెసిడెంట్ కె. తారాక రామారావు ట్విట్టర్లో పోస్టు చేశారు. ‘‘ఆన్లైన్ అవమానాలకు కఠినమైన జరిమానాలు విధించే బిల్లును ఆమోదించిన జపాన్ పార్లమెంట్‌కు అభినందనలు’’ అని రీట్వీట్ చేశారు.