అమృత గుర్తుందా నల్గొండ జిల్లాలో ప్రణయ్ హత్య అప్పట్లో తెలుగు రాష్ట్రాల్లో సంచలనం సృష్టించింది. ప్రణయ్ దళిత వర్గానికి చెందిన యువకుడు. అమృత అనే అమ్మాయిని 2018 జనవరిలో ప్రేమ వివాహం చేసుకున్నారు. అమృత తండ్రి మారుతీ రావు ఆ ప్రాంతంలో పేరు మోసిన వ్యాపారి. ప్రణయ్ గర్భంతో ఉన్న తన భార్య అమృతను ఆస్పత్రికి తీసుకెళ్లి తిరిగి వస్తుండగా హత్యకు గురయ్యారు. ఓ దుండగుడు మాటువేసి ఆయన్ని నరికి చంపాడు. ఇది సీసీ కెమెరాల్లోనూ రికార్డైంది. 2018 సెప్టెంబర్‌లో ఈ హత్య జరిగింది.కూతురు దళిత యువకుడిని పెళ్లి చేసుకోవడం ఇష్టం లేక మారుతీరావు కిరాయి హంతకుడితో ఈ హత్య చేయించారన్న అభియోగంతో నల్గొండ జిల్లా పోలీసులు కేసు నమోదు చేశారు. కాగా మారుతీరావు కూడా అనూహ్య రీతిలో మ‌ర‌ణించారు.
ఇప్పుడు అమృత పేరు మ‌రోసారి తెర‌పైకి వ‌చ్చింది. తెలుగు యాంకర్ లాస్య యూట్యూబ్ లో వీడియోలు చేస్తోంది. అయితే తాజాగా దీపావళి సందర్భంగా లాస్య ఓ స్పెషల్ సాంగ్ ను విడుదల చేసింది. ఈ సాంగ్ లో అలేఖ్య, గలాటా గీతు తో పాటు మిర్యాలగూడ అమృత స్పెషల్ అట్రాక్షన్ గా నిలిచింది. ఇక అమృత కూడా యూట్యూబ్ లో వీడియోలు చేస్తూ ఎంతో పాపులారిటీని సంపాదించుకుంది. తన కుమారుడికి సంబంధించిన వీడియోలు తన భర్త తో గడిపిన క్షణాలు మరియు ఇతర వీడియో లు చేస్తూ అమృత యూట్యూబ్ లో ఆకట్టుకుంటోంది. అయితే ఇప్పుడు లాస్య దీపావళి స్పెషల్ వీడియో సాంగ్ లో అమృత స్పెషల్ అట్రాక్షన్ గా నిలిచింది. లాస్య తో కలిసి అమృత స్టెప్పులు వేస్తూ ఆకట్టుకుంది. ఇక ఈ వీడియో లో ముగ్గురు భామలు కూడా ట్రెడిషనల్ డ్రెస్ లలో అలరించారు. అంతే కాకుండా ఈ వీడియో లో లాస్య కుమారుడు, భర్త మజునాత్ కూడా ఉన్నారు.