టీఆర్ఎస్ ఎమ్మెల్యేలను వలలో వేసుకునేందుకు బీజేపీ చేస్తున్న కుట్రకోణం వెలుగులోకి వచ్చింది. మొయినాబాద్ ఫాంహౌస్లో ఎమ్మెల్యేలతో మంతనాలు జరిపినట్టు వెల్లడయ్యింది. ఈక్రమంలో పోలీసులు జరిపిన సోదాల్లో పెద్ద మొత్తంలొ నగదు స్వాధీనం చేసుకున్నారు. కేంద్ర మంత్రి కిషన్రెడ్డికి సన్నిహితుడు అయిన డెక్కన్ హోటల్ ప్రైడ్ నిర్వాహకుడు. అంబర్పేటకు చెందిన నందు మీడియేటర్గా పైలట్ రోహిత్రెడ్డికి చెందిన ఫాం హౌస్లో మంతనాలు జరిపినట్టు పోలీసులు చెబుతున్నారు. అయితే.. ఇదంతా తెలంగాణలోని టీఆర్ఎస్ ప్రభుత్వాన్ని కూల్చేందుకు బీజేపీ నేతలు కుట్రకు తెరతీశారని, తమ ఎమ్మేల్యేలను ఒక్కొక్కరికి 100 కోట్ల రూపాయల చొప్పున కొనుగోలు చేయడానికి చూశారని టీఆర్ఎస్ నేతలు ఆరోపిస్తున్నారు.
కాగా, వారి ఆరోపణలు నిజం చేసేలా మోయినాబాద్లోని బీజేపీ అగ్ర నేత సన్నిహితుల ఫాం హౌస్లో పెద్ద మొత్తంలో నగదు పట్టుబడడం వారి ఆరోపణలకు మరింత బలం చేకూరుస్తోంది. కాగా, మునుగోడు ఉప ఎన్నికల్లో ఎట్లా అయినా గెలవాలన్న దుర్బిద్ధితో బీజేపీ కుటిల యత్నాలు పన్నుతోందని టీఆర్ఎస్ ఆరోపిస్తోంది. కాగా, పోలీసులు దాదాపు 15 కోట్లకు పైగా నగదు గుట్టలను స్వాధీనం చేసుకున్నట్టు ప్రచారం జరుగుతోంది. కొంతమంది అయితే 100 కోట్లు దొరికాయని అంటున్నారు. కాగా, ఢిల్లీ నుంచి వచ్చిన పీఠాధిపతి రామచంద్ర భారతి అలియాస్ సతీశ్శర్మ అనే స్వామీజీని అదుపులోకి తీసుకున్నారు. స్వామీజీతోపాటు తిరుపతికి చెందిన సింహయాజి, హైదరాబాద్కు చెందిన నందు అనే మీడియేటర్లను కూడా పోలీసులు అదుపులోకి తీసుకున్నారు. ఇక.. స్వామీజీని తెలంగాణకు ఎవరు పంపించారు. టీఆర్ఎస్ ఎమ్మెల్యేలను కొనుగోలు చేయడానికి ఈ మంతనాలు జరపమని చెప్పింది ఎవరు? అనే విషయాలను రాబట్టేందుకు పోలీసులు విచారణ చేపట్టారు.
ఇక.. ఎమ్మెల్యేలు గువ్వల బాలరాజు, హర్షవర్ధన్రెడ్డి, పైలట్ రోహిత్రెడ్డి, రేగా కాంతారావులను ప్రలోభ పెట్టి తలా 100 కోట్ల రూపాయలను అప్పజెప్పి పార్టీ ఫిరాయించేలా మంతనాలు జరిపినట్టు తెలుస్తోంది. దీనిపై తెలంగాణ ప్రభుత్వం సీరియస్గా ఫోకస్ పెట్టింది. ఈ దుర్మార్గపు చర్యపై కఠిన చర్యలు తీసుకునేలా చర్యలుంటాయని టీఆర్ఎస్ నేతలు అంటున్నారు.
కాగా, ఎమ్మెల్యేలతో బేరసారాల విషయంలో చట్టపరమైన చర్యలు తీసుకుంటామని సైబరాబాద్ పోలీస్ కమిషనర్ స్టీఫెన్ రవీంద్ర అన్నారు. మరికాసేట్లో దీనికి సంబంధించిన పూర్తి వివరాలతో మీడియాతో మాట్లాడే అవకాశాలున్నాయి. అయితే.. నలుగురు ఎమ్మెల్యేలు ఇచ్చిన సమాచారం మేరకే పోలీసులు ఈ రైడ్ చేసి మీడియేటర్లను, భారీ నగదును స్వాధీనం చేసుకున్నట్టు తెలుస్తోంది.