ఖాన్ ల సినిమాలు తిర‌స్క‌రించ‌డంతో గ‌డ్డు ప‌రిస్థితి ఎదుర్కొన్నా- కంగ‌నార‌నౌత్

బాలీవుడ్ ఖాన్ ల‌పై ఆస‌క్తిక‌ర వ్యాఖ్య‌లు చేసింది బాలీవుడ్ క్వీన్ కంగ‌నార‌నౌత్. కెరీర్‌లో తాను ఎదుర్కొన్న ఒడిదుడుకుల‌పై ఓ ఇంటర్వ్యూలో కంగ‌నా వెల్ల‌డిస్తూ తాను ఎన్నో ఇబ్బందులు ఎదుర్కొని ఇప్పుడున్న స్ధితికి చేరుకున్నాన‌ని తెలిపింది. ఖాన్‌ల సినిమాల నుంచి కుమార్‌ల ప్రోద్బ‌లంతో తీసే సినిమాల‌ను తాను తిర‌స్క‌రించ‌డంతో గ‌డ్డు ప‌రిస్ధితిని ఎదుర్కొన్నాన‌ని చెప్పింది. బాలీవుడ్‌లో పురుషాధిక్య సినిమాల‌ను తిర‌స్కరించి దీటుగా ఎదిగేవ‌ర‌కూ ఎన్నో ఎత్తుప‌ల్లాల‌ను చూశాన‌ని తెలిపింది. తాను ఇది ప్లాన్‌తో చేసింది కాద‌ని, ర‌జ‌నీష్ ఘయ్‌, దీప‌క్ ముకుత్‌, సోహెల్ మ‌క్లై వంటి ఎంద‌రో నిర్మాతలు, పురుషుల మ‌ద్ద‌తుతో తన ప్ర‌స్ధానం ఇక్క‌డ వ‌ర‌కూ సాగింద‌ని వ్యాఖ్యానించింది. మ‌హిళ విజ‌యం వెనుక పురుషుడి స‌హ‌కారం ఉంటుంద‌ని మ‌గువ‌ల విజయం ఎన్నో అంశాల‌తో ముడిప‌డిఉన్న‌ద‌ని బాలీవుడ్ క్వీన్ కంగ‌నా ర‌నౌత్ అన్నారు.