మంత్రి గంగుల కమలాకర్ని పొగడ్తలతో ముంచెత్తారు బీఆర్ఎస్ వర్కింగ్ ప్రెసిడెంట్, మంత్రి కేటీ రామారావు. ఆయన మార్గదర్శకత్వంలో కరీంనగర్లో మౌలిక సదుపాయాలు చక్కగా రూపుదిద్దుకుంటున్నాయని ఇవ్వాల (మంగళవారం) ట్విట్టర్లో పేర్కొన్నారు.
కరీంనగర్ సిటీకి ఆనుకుని ఉన్న మానేరు నదిపై 500 మీటర్ల పొడవైన కేబుల్ బ్రిడ్జిని రేపు (బుధవారం) ప్రారంభించనున్నట్టు మంత్రి కేటీఆర్ తెలిపారు. ఈ కేబుల్ బ్రిడ్జ్.. రాబోయే మానేరు రివర్ ఫ్రంట్ కరీంనగర్కు అందమైన ప్రకృతి దృశ్యాన్ని.. కొత్త వైభవాన్ని తీసుకురాబోతున్నాయని తెలియజేస్తూ.. ట్విట్టర్లో కొన్ని ఫొటోలను షేర్ చేశారు.