ఫుట్ బాల్ కోచ్ పాత్ర‌లో న‌టించారు బాలీవుడ్ బిగ్ బి అమితాబ్ బ‌చ్చ‌న్. మాద‌క ద్ర‌వ్యాల‌కు అల‌వాటు ప‌డి బానిస‌లుగా మారిన వీధి బాల‌లను మామూలు మ‌నుషులుగా మార్చి ..వారితోనే ఫుట్ బాల్ జ‌ట్టుని త‌యారు చేస్తారు అమితాబ్. కాగా ఈ చిత్రం ఫుట్ బాల్ ఆట‌గాడు విజ‌య్ బార్సే జీవిత క‌థ ఆధారంగా రూపొందుతోంది. కాగా ఈ చిత్రం నుండి టీజర్ రిలీజ్ చేసి ఓపెనింగ్స్ ని పట్టేస్తున్నారు దర్శక,నిర్మాతలు. తమ సినిమాలో కంటెంట్ ని హైలెట్ చేస్తూ రిలీజ్ చేసే టీజర్,ట్రైలర్స్ కు ఓ రేంజిలో ఆదరణ లభిస్తోంది. సోషల్ మీడియా వచ్చాక బాగున్న టీజర్స్ క్షణాల్లో వైరల్ అవుతున్నాయి. అలా తాజాగా వైరల్ అవుతున్న టీజర్ అమితాబ్ నటించిన ఝుండ్ . ఈ చిత్ర టీజర్ ఇలా విడుదలైందో లేదో ఇంటర్నెట్ లో వైరల్ అయ్యి దూసుకుపోతోంది.
ఈ సందర్భంగా చిత్ర టీమ్ ‘ఝుండ్’ టీజర్‌ను విడుదల చేసింది. దేశవ్యాప్తంగా సంచలన విజయం సాధించిన మరాఠి చిత్రం ‘సైరాట్‌’ దర్శకుడు నాగరాజ్ మంజులే ఈ సినిమాకు దర్శకత్వం వహించారు.‘సైరాట్‌’తో జాతీయ పురస్కారం సాధించిన దర్శకుడు నాగరాజ్ మంజులే, అమితాబ్ ‘ఝుండ్’ పై అభిమానుల్లో మంచి ఎక్సపెక్టేషన్స్ ఉన్నాయి. ఈ చిత్రం రెండేళ్ల క్రితమే విడుదల కావాల్సిన ఉండగా కరోనా కారణంగా వాయిదా పడుతూ వచ్చింది. టీజర్ ను షేర్ చేస్తూ అమితాబ్ ఏమన్నారంటే.. మేరీ టీమ్ తయార్ హై ఔర్ ఆప్? ఆ రహే హై హమ్ #Jhund చిత్రం 4 మార్చి 2022న మీ దగ్గరలోని సినిమాహాళ్లలో విడుదల కాబోతోంది టీజర్ నౌ!! అని తెలిపారు. T-సిరీస్ – తాండవ్ ఫిలింస్ బ్యానర్లపై భూషణ్ కుమార్- కృష్ణన్ కుమార్ -రాజ్ హిరేమత్- సవితా హిరేమత్- నాగరాజ్ మంజులే -మీను అరోరా నిర్మిస్తున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..