ద‌ర్శ‌కుడు విజ‌య్ కుమార్ తెర‌కెక్కిస్తోన్న చిత్రం జ‌య‌మ్మ పంచాయితీ. తాజాగా ఈ చిత్ర ట్రైల‌ర్‌ను ప‌వ‌ర్ స్టార్ ప‌వ‌న్ క‌ళ్యాణ్ విడుద‌ల చేశాడు.‘రా బావా.. మా ఊరి పంచాయితి చూద్దువు గాని, యే ఊర్లో జ‌ర‌గిని గోడ‌వ ఒక‌టి జ‌రగుతుంది’ అంటూ ట్రైల‌ర్ ప్రారంభ‌మైంది. ‘ఏంటి జ‌య‌మ్మ నువ్వు పంచాయితికి రావ‌డమేంటీ’ అని ఓ పెద్ద మ‌నిషి అడుగ‌గా.. ‘నేనేందుకు వ‌స్తాను, మీరే వ‌చ్చేట‌ట్టు సేసినారు’ అంటూ స‌మ ప‌లికే సంభాష‌ణ‌లు ఆక‌ట్టుకుంటున్నాయి.ఎవ‌రి వ‌ల్ల చెడ్డావురా ఈర‌న్న అంటే, నోటి వ‌ల్ల చెడ్డానురా కాట‌మురాజా’ అన్నాడ‌ట అంటు సుమ ఉత్త‌రాంధ్ర యాస‌లో ప‌లికే సంభాష‌ణ‌లు ఆక‌ట్టుకుంటున్నాయి. ‘నా క‌ర్మ ఏంటో ఊర్లో స‌మ‌స్య‌ల‌న్ని మా ఆయ‌న జ‌బ్బు చుట్టే ఉంటాయి’ అంటూ వ‌చ్చే డైలాగ్ సుమ భ‌ర్త ఏదో జ‌బ్బుతో భాద ప‌డుతున్న‌ట్లు తెలుస్తుంది. ఈ ట్రైల‌ర్‌ను గ‌మ‌నిస్తే ఊరి చుట్టు సాగే క‌థ‌లా అనిపిస్తుంది. ప్ర‌తి రోజు ఆ ఊరు పేరు న్యూస్ పేప‌ర్‌లో రావ‌డం.. ఊర్లో స‌మ‌స్య‌ల‌కు జ‌య‌మ్మ‌ను జోక్యం చేసుకోవ‌ద్దు అంటూ చెప్ప‌డం సినిమాపై ఆస‌క్తిని రేకెత్తిస్తోంది.
