హైద‌రాబాద్ కి చేరుకున్న ప్ర‌కాశ్ న‌డ్డా – స్వాగ‌తం ప‌లికిన బిజేపీ నేత‌లు

హైద‌రాబాద్ చేరుకున్నారు బిజేపీ జాతీయ అధ్య‌క్షుడు ప్ర‌కాశ్ న‌డ్డా. ఢిల్లీ నుంచి నేరుగా శంషాబాద్ అంత‌ర్జాతీయ విమానాశ్ర‌యానికి చేరుకున్న జేపీ న‌డ్డాకు తెలంగాణ బీజేపీ నేత‌లు ఘ‌న స్వాగ‌తం ప‌లికారు. తెలంగాణ‌కు చెందిన కేంద్ర మంత్రి కిష‌న్ రెడ్డి, ఆ పార్టీ ఎంపీ ధ‌ర్మ‌పురి అర‌వింద్‌, ఎమ్మెల్యే ర‌ఘునంద‌న్ రావు, ఈట‌ల రాజేంద‌ర్‌, పార్టీ ముఖ్య నేత‌లు ల‌క్ష్మ‌ణ్, వివేక్ వెంక‌ట‌స్వామి, త‌రుణ్ చుగ్‌, ముర‌ళీధ‌ర రావు, ఏనుగు ర‌వీంద‌ర్ రెడ్డి తదిత‌రులు న‌డ్డాకు స్వాగ‌తం ప‌లికారు. బీజేపీ తెలంగాణ అధ్య‌క్షుడు బండి సంజ‌య్ కొన‌సాగిస్తున్న ప్ర‌జా సంగ్రామ యాత్ర గురువారం నాడు ముగియ‌నుంది. ఈ యాత్ర ముగింపు సంద‌ర్భంగా మ‌హ‌బూబ్‌న‌గ‌ర్‌లో జ‌నం ఘోష‌…బీజేపీ భ‌రోసా” పేరిట భారీ బ‌హిరంగ స‌భ‌ను బీజేపీ నిర్వ‌హిస్తుంది. ఈ స‌భ‌కు హాజ‌ర‌య్యేందుకే జేపీ న‌డ్డా తెలంగాణ ప‌ర్య‌ట‌న‌కు వ‌చ్చారు.