జబర్దస్త్ హాట్ బ్యూటీకి కరోనా!

దేశవ్యాప్తంగా కరోనా సెకండ్ వేవ్ వణికిస్తోంది. రోజురోజుకూ కేసులు భీభత్సంగా నమోదవుతున్నాయి. ఇక సినీ ఇండస్ట్రీలో కూడా కరోనా అతి వేగంగా వ్యాప్తిచెందుతోంది. ఇప్పటికే చాలా మంది సెలబ్రిటీలు కరోనా బారిన పడ్డారు. తాజాగా జబర్దస్త్ హాట్ బ్యూటీ వర్ష కూడా కరోనా బారిన పడింది. తాజాగా లైవ్‌లోకి వచ్చి ఈ విషయాన్ని ప్రకటించింది. అంతేకాకుండా ఇందులో తన అభిమానులకి కొన్ని సూచనలు కూడా చేసింది.


గత రెండు రోజుల నుంచి తనకు ఆరోగ్యం బాగాలేదని, అందుకే కరోనా పరీక్షలు చేసుకున్నానని తెలిపింది. అందులో పాజిటివ్ అని వచ్చిందని చెప్పింది. ‘ఈ విషయాన్ని లైవ్‌ లోకి వచ్చి ఎందుకు చెప్పాలి అని అనుకున్నాను అంటే.. ఇప్పుడు పరిస్థితి మరీ దారుణంగా మారిపోయింది. ఇక్కడ జరిగిందేది ఎవ్వరికీ తెలియదు.. చూస్తే భయపడతారు. చనిపోయిన వారిని అలా ప్యాక్ చేసి పడేస్తున్నారు. అది చూడగానే లైవ్‌లోకి వచ్చి చెప్పాలని అనుకున్నాను. దయచేసి అందరూ జాగ్రత్తగా ఉండండి. రోజూ వేడి నీళ్లు తాగండి.. ఎన్ని జాగ్రత్తలు ఉంటే అన్నీ తీసుకోండి’  అని వర్ష పేర్కొంది. కాగా, సీరియల్స్‌‌‌ తో సినీ రంగంలోకి అడుగుపెట్టిన వర్ష.. జబర్దస్త్ షో ద్వారా బాగా క్లిక్ అయింది. శ్రీదేవీ డ్రామా కంపెనీ లాంటి షోలతో కూడా బాగా బిజీ అయిపొయింది. యూత్‌‌లో ఈ బ్యూటీకి ఇప్పుడు మంచి ఫాలోయింగ్ ఉంది. వర్ష కరోనా బారిన పడడంతో ఆమె అభిమానులు ఆందోళన చెందుతున్నారు. వర్ష త్వరగా కోలుకోవాలని కోరుతున్నారు.