ఈ నెల 26 నుంచి ఐపీఎల్ 2022 ప్రారంభంకానున్న నేపథ్యంలో ఢిల్లీ హైకోర్టు కీలక తీర్పు వెలువరించింది. ఐపీఎల్‌ను అక్రమంగా ప్రసారం చేస్తున్న వెబ్‌సైట్లపై తక్షణం నిషేధం విధించాలని ఆదేశాలిచ్చింది. స్టార్ ఇండియా దాఖలు చేసిన పిటిషన్ విచార‌ణ చేప‌ట్టిన ఢిల్లీ హైకోర్టు ఈ మేరకు ఉత్తర్వులు జారీ చేసింది.
అక్రమంగా ఆన్‌లైన్ స్ట్రీమింగ్ చేస్తున్నఎనిమిది వెబ్‌సైట్లను తక్షణ‌మే బ్లాక్ చేయాలంటూ కేంద్ర సమాచార, సాంకేతిక శాఖను కోర్టు ఆదేశించింది. నిషేధం విధించాలని కోర్టు ఆదేశించిన వెబ్‌సైట్లలో లైవ్. ఫిక్స్‌హబ్. నెట్, స్టిస్‌స్పోర్ట్స్.కామ్, వీఐపీలీగ్. ఐఎం, మ్యాక్స్‌ప్పోర్ట్. వన్, గూయల్. టాప్, టీ20డబ్ల్యూసీ. ఎన్ఎల్, వీఐపీస్టాండ్. సె, స్ట్రీమ్. బిటోలట్.ఆన్‌లైన్ వంటి వెబ్సైట్లు ఉన్నాయి.