తిరుగులేని వెండితెర కథానాయకుడిగా. కోట్లాది ప్రజల ఆకాంక్షలకు ప్రతిరూపమై నిలిచిన ప్రజానాయకుడిగా… విశ్వవిఖ్యాతుడై వెలుగొందారు కీర్తి శేషులు స్వర్గీయ నందమూరి తారక రామారావు. ప్రజా సేవకు తన జీవితాన్ని అంకితం చేసి, పేదల పాలిటి పెన్నిధిగా, వారి ప్రేమాభిమానాలను పొందిన ఆ మహోన్నత చరితుని ఆశయాల సాధన కోసం, మానవస్వే పునాదిగా, “సమాజమే దేవాలయం. ప్రజలే దేవుళ్ళు” అన్న ఆ మహానుభావునికి నివాళిగా. 1997లో దార్శనిక ప్రజానేత నారా చంద్రబాబు నాయుడు చేతుల మీదుగా ఆవిర్భవించింది ఎన్.టి.ఆర్ మెమోరియల్ ట్రస్ట్. ఎన్.టి.ఆర్ మెమోరియల్ ట్రస్ట్ సీఈవో కే. రాజేంద్రకుమార్ , తెలుగుదేశం పార్టీ రాష్ట్ర అధ్యక్షులు బక్కని నర్సింహులు, ట్రస్ట్ సిబ్బంది ఈ కార్యక్రమంలో పాల్గొన్నారు. ఎన్.టి.ఆర్ మెమోరియల్ ట్రస్ట్ సీఈవో కే. రాజేంద్రకుమార్ మాట్లాడుతూ గత 25 ఏళ్లలో ఎన్.టి.ఆర్ మెమోరియల్ ట్రస్ట్ సేవా కార్యక్రమాల ప్రగతిని వివరించారు. నాటి నుండి నేటి వరకు ఆరోగ్య సంరక్షణ, విద్య, సాధికారత , జీవనోపాధి, విపత్తు నిర్వహణ , సాయం అనే నాలుగు ప్రధాన రంగాలలో సేవలందిస్తూ, సమాజంలో అందరూ సంతోషంగా జీవించేందుకు అవసరమైన సామాజిక మార్పు కోసం కృషి చేస్తోంది ఎన్.టి.ఆర్ మెమోరియల్ ట్రస్ట్. ఎన్.టి.ఆర్ మెమోరియల్ ట్రస్ట్ మేనేజింగ్ ట్రస్టీ శ్రీమతి నారా భువనేశ్వరి , ట్రస్ట్ సేవాకార్యక్రమాల్లో భాగస్వాములైన సేవాతత్పరులకు, విరాళాలు అందిస్తున్న దాతలకు కృతజ్ఞతలు తెలిపారు.
ఎస్.టి.ఆర్ మెమోరియల్ ట్రస్ట్ 25 సంత్సరల సేవాకార్యక్రమాలు :
★ ఎన్.టి.ఆర్ ఆరోగ్యరథం పేరిట 23 వాహనాల ద్వారా పేదలకు ఉచిత ప్రాథమిక ఆరోగ్య పరీక్షలు.
★ 10,942 ఉచిత వైద్యశిబిరాల ద్వారా రూ.17.29 కోట్ల విలువైన మందులను ఉచితంగా పంపిణీ
★ ఉచిత కంటివైద్య శిబిరాలు నిర్వహించి 18.55 లక్షల మంది గ్రామీణ నిరుపేదలకు ఉచిత కళ్లజోళ్లు, క్యాటరాక్ట్ సర్జరీలు .
★ హైదరాబాద్, గుంటూరు, విశాఖపట్నం, తిరుపతి నగరాల్లో రక్తనిధి కేంద్రాలను నెలకొల్పి రెండు తెలుగు రాష్ట్రాలలో 7 లక్షల మంది ప్రాణాలు కాపాడాం.
★ 210 కార్పోరేట్ సంస్థలు, 40 సంస్థాగత భాగస్వాములతో స్వచ్చంద రక్తదాన శిబిరాలు..
★ తలసీమియాతో బాధపడే 80 మంది పిల్లలను దత్తత..
★ 1,35,197 యూనిట్ల రక్తాన్ని ఉచితంగా అందజేశాం (నిరుపేదలకు 71,897 యూనిట్లు, తలసేమియా బాధితులకు 17,358 యూనిట్లు, ప్రభుత్వ ఆసుపత్రులకు 45,942 యూనిట్లు)..
★ గండిపేట, చల్లపల్లి ఎన్.టి.ఆర్ మోడళ్ల స్కూళ్ల ద్వారా అనాధ బిడ్డలు, తీవ్రవాద ఘటనల బాధితులకు ఉచిత విద్య …
★ 1,642 మంది అనాధ పిల్లలకు ఉచిత విద్య అందించి ఆత్మవిశ్వాసం గల పౌరులుగా ఎదిగేలా చేయూత…
★ ఇతర పాఠశాలల్లో చదివే నిరుపేదలకు రూ. 33లక్షల విలువైన ఉపకారవేతనాలు…
★ 4,159 మందికి మెరిట్ స్కాలర్ షిప్ లు అందజేత..
★ బాలికా విద్య ప్రోత్సాహంలో భాగంగా ప్రతిఏటా 25 మంది ప్రతిభావంతులైన విద్యార్ధినులను ఎంపికచేసి స్కాలర్ షిప్ లు ..
★ ఇప్పటిదాకా 175 మందికి రూ 1,48,00,000 లు స్కాలర్ షిప్ ల కింద ఇచ్చాం.
★ జాబ్ మేళాలు నిర్వహించి 4వేలమంది నిరుద్యోగులకు వివిధ సంస్థలలో ఉద్యోగాలు ఇప్పించాం.
★ నైపుణ్యాభివృద్ధి శిక్షణా కార్యక్రమాల ద్వారా 7,375 మందికి శిక్షణ ఇచ్చాం, వారిలో 2,500 మంది ఉద్యోగాలు పొందారు.
★ ఉటర్ సంస్థతో కలిసి 60 మంది డ్రైవర్లను వాహన యజమానులుగా చేశాం.
★ నిరుద్యోగులకు రూ 4 కోట్ల ఆర్ధిక సాయం అందించి స్వయం ఉపాధికి సహకరించాం.
★ కుట్టు కేంద్రాలు నెలకొల్పి ఉచితంగా కుట్టు పనిలో శిక్షణ ఇస్తున్నాం..
★ ఎన్.టి.ఆర్ సుజల కింద రెండు తెలుగు రాష్ట్రాలలో మూడున్నర లక్షల మందికి కేవలం రూ. 2కే 20 లీటర్ల సురక్షిత తాగునీటిని అందిస్తున్నాం.
★ 3 క్లస్టర్ మోడల్ ఆర్వో ప్లాంట్లు, 41 ‘ఇండివిడ్యువల్ ప్లాంట్లను నెలకొల్పాం.
★ ప్రకృతి విపత్తుల బాధితులు 20 లక్షల మందిని ఆదుకున్నాం.
★ మహబూబ్ నగర్, కర్నూలు వరదల్లో 54 వైద్యబృందాలతో ఉచిత వైద్యశిబిరాలు నిర్వహించి రూ 15 కోట్ల విలువైన మందులు, దుస్తులు, దుప్పట్లను పంపిణీ చేశాం.
★ ఉత్తరాఖండ్ వరదల్లో చిక్కుకున్న 510 మంది తెలుగు యాత్రీకులను స్వస్థలాలకు క్షేమంగా చేర్చాం.
★ పైలాన్ తుపాన్ బాధితులు 17 వేల మందికి సహాయ పునరావాస చర్యలు చేపట్టాం.
★ హుద్ హుద్ తుపాన్ బాధితులు 50 వేల మందికి ఉచితంగా మందులు, పాలు-మజ్జిగ, తాగునీరు పంపిణీ చేశాం.
★ హైదరాబాద్ వరదల్లో 10 బస్తీలలో 5 వేలమందికి చేయూత అందించాం.
★ కేరళ వరదబాధితుల పిల్లలకు 10 లక్షల నోట్ బుక్స్ పంపిణీ చేశాం.
★ కరోనా కష్టకాలంలో 20 వేల కుటుంబాలకు కూరగాయలు, నిత్యావసరాలు, ఆహారపొట్టాలు అందజేశారు.
★ “మీతోనే..మీకోసం” కార్యక్రమం కింద అమెరికాలోని తెలుగు వైద్యుల భాగస్వామ్యంతో 1500 మంది కరోనా రోగులకు ఉచిత చికిత్స అందించాం. రూ.29లక్షల విలువైన మందులను అందజేశాం. 2 లక్షల మాస్క్ లు పంపిణీ చేశాం. రూ. కోటి 30 లక్షలతో ఏపిలో 2, తెలంగాణలో 1 ఆక్సిజన్ ప్లాంట్లను నెలకొల్పాం.
★ ఒమిక్రాన్ బాధితుల కోసం ఆన్ లైన్ టెలిమెడిసిన్ సేవలు ప్రారంభించాం.
★ స్థానిక వైద్యులతో పాటు 12 మంది ప్రవాస వైద్యుల సూచనలను అందించాం.
★ ఇటీవల వరద బీభత్సంలో అస్తవ్యస్తమైన తిరుపతి, చిత్తూరు, కడప, నెల్లూరు జిల్లాలలో నిరాశ్రయులను ఆదుకున్నాం.
★ 50 వేల మందికి పాలు, తాగునీరు, ఆహార పొట్లాలు, బ్రెడ్, బిస్కట్లు, దుప్పట్లు, మందులు పంపిణీ చేశాం.
★ వరదల్లో మృతుల కుటుంబాలకు ఒక్కో కుటుంబానికి రూ లక్ష చొప్పున 48 కుటుంబాలకు రూ 48 లక్షల ఆర్ధిక సాయం అందించాం.
★ అన్నమయ్య ప్రాజెక్టు వరదల్లో చిక్కుకున్న 5 గురిని ప్రాణాలకు తెగించి కాపాడిన శివప్రసాద్ కు రూ. లక్ష అందజేశామని తెలిపారు.