ఆర్మీ, నేవీ, ఎయిర్ఫోర్స్ ఒకే కూటమిగా ఉండేందుకు కొనసాగుతున్న చర్చలలో కచ్చితమైన పురోగతి సాధించగలమని, సమగ్ర జాతీయ పోరాట శక్తిని పెంపొందించేందకు ట్రై సర్వీస్ ఏకీకరణకు భారత వైమానిక దళం (IAF) పూర్తిగా కట్టుబడి ఉందన్నారు ఎయిర్ చీఫ్ మార్షల్ వీఆర్ చైదరి. ఆదివారం ఓ మీడియా సంస్థతో మాట్లాడుతూ పలు ఆసక్తికరమైన అంశాలను వెల్లడించారు. ట్రై సర్వీస్ ఆధ్వర్యంలో దేశం మరింత పటిష్టంగా, శక్తివంతంగా భవిష్యత్తులో వచ్చే ముప్పులను ఎదుర్కోగల సామర్థ్యాన్ని కలిగి ఉంటాయని చీఫ్ ఆఫ్ ఎయిర్ స్టాఫ్ ఆశాభావం వ్యక్తం చేశారు.
భారత సాయుధ దళాల థియేటరైజేషన్ ప్రక్రియ చర్చల దశలో ఉంది. కొన్ని అంశాలు చర్చిస్తున్నాం. ఈ అంశంలో కచ్చితమైన పురోగతి సాధిస్తామన్న నమ్మకం ఉంది అని ఆయన చెప్పారు. ప్రణాళిక ప్రకారం ప్రతి థియేటర్ కమాండ్‌లు ఆర్మీ, నేవీ మరియు వైమానిక దళానికి చెందిన యూనిట్‌లను కలిగి ఉంటాయి. అవన్నీ ఒక నిర్దిష్ట భౌగోళిక భూభాగంలో ఒక కార్యాచరణ కమాండర్ కింద భద్రతా సవాళ్లను చూసేందుకు ఒకే సంస్థగా పని చేస్తాయని ఐఏఎఫ్ చీఫ్ చౌదరి చెప్పారు.
ప్రస్తుతం ఆర్మీ, నేవీ, ఎయిర్ ఫోర్స్ కు వేర్వేరుగా కమాండ్‌లు ఉన్నాయి. ప్రారంభంలో ఎయిర్ డిఫెన్స్ కమాండ్ మరియు మారిటైమ్ థియేటర్ కమాండ్ ఏర్పాటు కోసం ఒక ప్రణాళికను రూపొందించారు. ఉమ్మడి నిర్మాణాల రూపకల్పనకు సంబంధించిన విస్తృత అంశాల విషయానికి వస్తే మూడు సర్వీసులు ఒకే పేజీలో ఉన్నాయని ఎయిర్ చీఫ్ మార్షల్ చౌదరి అన్నారు.
సమగ్ర జాతీయ పోరాట శక్తి యొక్క పరివర్తన, అభివృద్ధిని తీసుకువచ్చే ఏకీకరణకు IAF పూర్తిగా కట్టుబడి ఉందని అని ఆయన చెప్పారు. సాయుధ దళాలు దేశం యొక్క ఆకాంక్షలకు అనుగుణంగా ఉంటాయని మరియు అత్యంత ప్రభావవంతమైన, భవిష్యత్తులో సిద్ధంగా ఉన్న మోడల్‌ను చేరుకుంటాయని మేము విశ్వసిస్తున్నాం అని IAF చీఫ్ తెలిపారు.
థియేటరైజేషన్ చొరవపై చాలా ఆసక్తిగా ఉంది. థియేటర్ కమాండ్‌లు మూడు సేవల సామర్థ్యాలను ఏకీకృతం చేయడానికి మరియు వాటి వనరులను సరైన వినియోగాన్ని నిర్ధారించడానికి ప్రణాళిక చేస్తున్నాం. భారతదేశం యొక్క మొదటి చీఫ్ ఆఫ్ డిఫెన్స్ స్టాఫ్ జనరల్ బిపిన్ రావత్ నేతృత్వంలోని మిలిటరీ వ్యవహారాల విభాగం గత సంవత్సరం మూడు సేవలను దాని రోల్ అవుట్ కోసం థియేటరైజేషన్ ప్లాన్‌పై స్వతంత్ర అధ్యయనాలను నిర్వహించాలని కోరింది. గత డిసెంబరులో హెలికాప్టర్ ప్రమాదంలో జనరల్ రావత్ మరణించిన తరువాత థియేటర్ల ప్రణాళికపై చర్చలు కొంచెం మందగించాయని చౌదరి తెలిపారు.
ఇక.. రాబోయే సంవత్సరాల్లో మల్టీ-డొమైన్ వార్‌ఫేర్‌లో మరింత కఠినమైన, క్రమబద్ధమైన.. వాస్తవిక శిక్షణ అవసరం అని ఎయిర్ చీఫ్ మార్షల్ చౌదరి తెలిపారు. అదే సమయంలో మా మౌలిక సదుపాయాలను మెరుగుపరచడం మరియు పారదర్శక, సమకాలీన మానవ వనరుల విధానాలను అభివృద్ధి చేయడం ద్వారా వైమానిక యోధులందరికీ మెరుగైన పని.. జీవన పరిస్థితులను అందించడానికి అవిశ్రాంతంగా పని చేస్తూనే ఉన్నాము” అని ఆయన పేర్కొన్నారు.