– ఇంటర్నెట్ డెస్క్, ఆంధ్రప్రభ
ట్యాంక్బండ్ వద్ద టీఎస్‌ఆర్‌టీసీ లగ్జరీ బస్సు ప్రారంభించనున్నారు. దీనికోసం సిటీ పోలీసులు శుక్రవారం ట్రాఫిక్ ఆంక్షలు ప్రకటించారు. డిసెంబర్ 24 మధ్యాహ్నం 12:00 నుండి సాయంత్రం 5:00 గంటల వరకు ట్రాఫిక్ ఆంక్షలు అమలులో ఉంటాయని తెలిపారు.
- రాణిగంజ్ నుండి అప్పర్ ట్యాంక్బండ్ వైపు వచ్చే వాహనాలకు అనుమతి ఉండదు. సెయిలింగ్ క్లబ్ వద్ద కవాడిగూడ ఎక్స్ రోడ్స్, DBR మిల్స్ వైపు ట్రాఫిక్ మళ్లించనున్నారు. ఇక.. లిబర్టీ నుండి ఎగువ ట్యాంక్బండ్ వైపు వెళ్లే ప్రయాణికులను అంబేద్కర్ విగ్రహం వద్ద తెలుగుతల్లి, ఇక్బాల్ మినార్ వైపు మళ్లిస్తారు.
- తెలుగుతల్లి నుంచి ఎగువ ట్యాంక్బండ్ వైపు వెళ్లే వారిని అంబేద్కర్ విగ్రహం వద్ద లిబర్టీ, హిమాయత్ నగర్ వైపు మళ్లిస్తారు. అదేవిధంగా, డీబీఆర్ మిల్స్ నుండి అప్పర్ ట్యాంక్బండ్ వైపు వచ్చే ట్రాఫిక్ డీబీఆర్ మిల్స్ వద్ద గోసాల, కవాడిగూడ, జబ్బార్ కాంప్లెక్స్, బైబిల్ హౌస్ వైపు మళ్లించనున్నారు.
- ఇక్బాల్ మినార్ నుండి ఎగువ ట్యాంక్బండ్ వైపు వెళ్లే ప్రయాణికులు పాత సెక్రటేరియట్ వద్ద తెలుగు తల్లి ఫ్లైఓవర్ వైపు మళ్లిస్తారు. లోయర్ ట్యాంక్బండ్ మీదుగా వెళ్లాల్సి ఉంటుంది.