విజయ్ దేవరకొండ యూత్ ఐకాన్ గా మారిపోయాడు. చిన్న చిన్న క్యారెక్ట‌ర్ల నుంచి స్టార్ హీరో వ‌ర‌కు ఆయ‌న ఎదిగిన తీరు అంద‌రికీ తెలిసిందే. ఎవ‌రి స‌పోర్ట్ లేకుండా సొంతంగా త‌న‌కంటూ స్టార్ ఇమేజ్ ని ఏర్ప‌రుచుకున్నాడీ హీరో. ఇక స్టైల్ ఐకాన్ గా భావించే విజయ్ దేవరకొండ.. ఫ్యాషన్ అండ్ స్టైలింగ్ కి సంబంధించిన బిజినెస్ లో అడుగుపెట్టారు. ‘రౌడీ క్లబ్’ అనే బ్రాండ్ తో ఆకర్షణీయమైన వస్త్రాలను అందుబాటులోకి తీసుకొస్తున్నారు. అలానే సొంతంగా నిర్మాణ సంస్థను ఏర్పాటు చేసి.. యంగ్ టాలెంట్ ని ప్రోత్సహిస్తున్నారు. ప్రస్తుతం విజయ్ దేవరకొండ లైగర్ అనే పాన్ ఇండియా చిత్రంలో న‌టిస్తున్నాడు. ఈ చిత్రాన్ని పూరీ జ‌గ‌న్నాథ్ తెర‌కెక్కిస్తున్నాడు. చిన్న షెడ్యూల్ మినహా ‘లైగర్’ షూటింగ్ మొత్తం పూర్తి చేశాడు విజయ్ దేవరకొండ..
ప్రస్తుతం దొరికిన సమయాన్ని తన ఫ్యామిలీతో గడుపుతున్నారు. ఈ మధ్య అంతా సినిమా షూటింగ్ లతో బిజీగా గడిపి.. ఇప్పుడు తనకెంతో ఇష్టమైన కార్లలో సిటీ అంతా విహరిస్తున్నారు.కాగా హైదరాబాద్ రోడ్ల మీద తన సూపర్ కూల్ కారులో జాలీగా తిరుగుతూ కెమెరాల కళ్ళకు చిక్కారు విజయ్ దేవరకొండ. నగర శివార్లలో ఆయ‌న బ్యూటిఫుల్ రైడ్ కు సంబంధించిన వీడియో సోషల్ మీడియాలో వైరల్ అవుతుంది. విజయ్ వ‌ద్ద ప్రస్తుతం రోల్స్ రాయిస్ డాన్ లగ్జరీ కార్ తో పాటుగా BMW 5 సిరీస్ సెడాన్ – ఫోర్డ్ ముస్తాంగ్ జీటీ – మెర్సిడెస్ బెంజ్ జిఎల్సి వంటి ఖరీదైన కార్లు ఉన్నాయి.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..