pakistan: భారీ వర్షాలు.. 34 మంది మృతి

పాకిస్థాన్‌లో భారీ వర్షాలతో తీవ్ర ప్రాణ, ఆస్తి నష్టం జరిగింది. పెనుగాలులు, పిడుగులతో కురిసిన వర్షాలు కురుస్తుండడంతో ఈశాన్య పాకిస్థాన్‌లోని ఖైబర్‌ పక్తుంఖ్వా ప్రావిన్స్‌లో 34 మంది మృతి చెందగా, 100 మందికి పైగా గాయపడ్డారు. ప్రావిన్సియల్‌ డిజాస్టర్‌ మేనేజ్‌మెంట్‌ అథారిటీ (పీడీఎంఏ) అధికారులు తెలిపిన వివరాల ప్రకారం శనివారం కురిసిన భారీ వర్షాలకు గోడలు కూలి, చెట్లు పడిపోయి దక్షిణ జిల్లాల్లో మరణాలు ఎక్కువగా సంభవించినట్లు తెలుస్తోంది. 200కుపైగా పశువులు కూడా మరణించాయని అధికారులు తెలిపారు. బన్ను జిల్లాలో 15 మంది మరణించగా, వీరికే ఒకే కుటుంబానికి చెందిన ఐదుగురు పిల్లలున్నారు.