కొత్తగూడెం, భద్రాద్రి జిల్లాలో ఇవ్వాల (శనివారం) సాయంత్రం నుంచి ఈదురుగాలులతో కూడిన భారీ వర్షం కురుస్తోంది. దీంతో జిల్లాలోని పలు చోట్ల పెద్ద పెద్ద చెట్లు, విద్యుత్ స్తంభాలు నెలకూలాయి. విద్యుత్కు అంతరాయం ఏర్పడినట్టు తెలుస్తోంది. ఇక.. కొత్తగూడెం పట్టణంలోని బాబు క్యాంపు, రామాలయం ఎదురుగా తెలంగాణ దశాబ్ది ఉత్సవాల సందర్భంగా మున్సిపాల్టీ వారు ఏర్పాటు చేసిన అతి పెద్ద ఆర్చి గాలివేటుకు కూలిపోయింది.
దీంతో ద్విచక్ర వాహనాలు, ఫోర్ వీలర్స్ మీద ఆర్చి కుప్పకూలడంతో పలు వాహనాలు డ్యామేజ్ అయ్యాయి. అయితే.. తీవ్రమైన ఎండలు, ఉక్కపోతతో అల్లాడిన ప్రజలకు ఇవ్వాల కురిసిన వర్షం కొంత ఉపశమనం కలిగించింది. దీంతో చాలామంది సంతోషం వ్యక్తం చేస్తున్నారు.