108అడుగుల ఎత్త‌యిన ఆంజ‌నేయ విగ్ర‌హం – ఆవిష్క‌రించిన ప్ర‌ధాని మోడీ

గుజ‌రాత్ లోని మోర్బి జిల్లాలో 108అడుగుల ఎత్త‌యిన ఆంజ‌నేయ‌స్వామి విగ్ర‌హాన్ని ప్ర‌ధాని న‌రేంద్ర మోడీ ఆవిష్క‌రించారు. నేడు హ‌నుమాన్ జ‌యంతి సంద‌ర్భంగా ఈ కార్య‌క్ర‌మం జ‌రిగింది, కాగా వీడియో కాన్ఫరెన్స్ రూపంలో ఈ కార్యక్రమం జరిగింది. ఈ కార్యక్రమంలో పాల్గొనడాన్ని గౌరవంగా భావిస్తున్నట్టు ప్రధాని చెప్పారు. నేడు హనుమాన్ జయంతి పర్వదినాన్ని జరుపుకుంటున్నాం. మోర్బిలో 108 అడుగుల హనుమాన్ విగ్రహావిష్కరణ జరుగుతోంది. ఈ కార్యక్రమంలో పాల్గొనే అవకాశం నాకు లభించడాన్ని గౌరవంగా భావిస్తున్నాను’’ అంటూ ప్రధాని ట్వీట్ చేశారు. హనుమాన్ జీ చార్ ధామ్ ప్రాజెక్టు కింద దేశవ్యాప్తంగా నాలుగు ఎత్తయిన హనుమాన్ విగ్రహాలను ఏర్పాటు చేస్తుండగా.. అందులో ఇది రెండోది.