గుజ‌రాతీ సింగ‌ర్ లైవ్ షో – రూ.2.25కోట్ల విరాళాలు

అమెరికాలో గుజ‌రాతీ సింగ‌ర్ లైవ్ షో నిర్వ‌హించింది. ఈ షో ని ఉక్రెయిన్ కు ఆర్థిక సాయం అందించేందుకు నిర్వ‌హించ‌డంతో డాల‌ర్ల వ‌ర్షం కురిసింది. జార్జియా, అట్లాంటాలో లైవ్ షో ఏర్పాటు చేశారు. గుజరాతీ జానపద గాయని గీతాబెన్ రాబరి సంగీత కచేరి నిర్వహించారు. లోకే దేరో’ పేరుతో నిర్వహించిన ఈ రెండు ప్రదర్శనలకు పెద్ద ఎత్తున హాజరైన ఎన్నారైలు గీతాబెన్‌పై డాలర్ల వర్షం కురిపించారు. దీంతో ఆ స్టేజీ మొత్తం డాలర్ల నోట్లతో నిండిపోయింది. నోట్లతో నిండిన స్టేజి ఫొటోలను గీతాబెన్ తన ఇన్‌స్టాలో షేర్ చేయడంతో అవి కాస్తా వైరల్ అయ్యాయి. ఉక్రెయిన్‌కు మద్దతుగా నిర్వహించిన ఈ రెండు షోల ద్వారా భారీగా నిధులు సమకూరినట్టు సూరత్ ల్యూవా పటేల్ సమాజ్ (ఎస్ఎల్‌పీఎస్) వెల్లడించింది. ఈ కార్యక్రమాల ద్వారా 3 లక్షల డాలర్లు.. భారత కరెన్సీలో దాదాపు 2.25 కోట్ల రూపాయలు విరాళంగా వచ్చినట్టు తెలిపింది. త్వరలోనే ఈ సొమ్మును ఉక్రెయిన్‌కు అందిస్తామని వివరించింది. కాగా, గాయని గీతాబెన్ (26)కు ప్రపంచవ్యాప్తంగా మంచి గుర్తింపు ఉంది. ఫిబ్రవరి 2020లో అహ్మదాబాద్‌లోని నరేంద్రమోదీ స్టేడియంలో జరిగిన ‘నమస్తే ట్రంప్’ కార్యక్రమంలో మోదీ, డొనాల్డ్ ట్రంప్ ఎదుట గీతాబెన్ ప్రదర్శన ఇచ్చారు.