– ఇంటర్నెట్ డెస్క్, ఆంధ్రప్రభ
ఢిల్లీ–కోల్కతా మెట్రోపాలిటన్ నగరాల మధ్య గ్రీన్ఫీల్డ్ ఎక్స్ప్రెస్ హైవేని నిర్మించనున్నారు. ఇది మోహనియా, రోహ్తాస్, ససారం, ఔరంగాబాద్, గయా, ఛత్ర, హజారీబాగ్, రాంచీ, బొకారో, ధన్‌బాద్, రామ్‌ఘర్, పురూలియా, బంకురా, పశ్చిమ్ మెదినీపూర్, హౌరా, హుగ్లీ మీదుగా వెళుతుంది. జాతీయ రహదారుల సంస్థ (ఎన్హెచ్ఏఐ) డివిజనల్ కమిషనర్ కౌశల్ రాజ్ శర్మ మాట్లాడుతూ.. వారణాసి సమీపం.. ఉత్తరప్రదేశ్‌లోని చందౌలీలో భూ సేకరణ పూర్తయిందని.. అయితే వివరణాత్మక ప్రాజెక్ట్ నివేదిక కోసం వెయిట్ చేస్తున్నట్టు తెలిపారు.
2021 సెప్టెంబర్లో జరిగిన సమావేశంలో కీలక నగరాలను కలుపుతూ.. సమయం, వ్యయాన్ని తగ్గించేలా వారణాసి-కోల్కతా ఎక్స్ ప్రెస్‌వే అలైన్‌మెంట్‌ను కేంద్ర రోడ్డు రవాణా, రహదారుల కార్యదర్శి ఆమోదించారు. ఈ ఎక్స్ ప్రెస్‌వేపై జర్నీ ‘విమానం లాంటి’ అనుభూతిని ఇస్తుందని అధికారులు చెబుతున్నారు. ఈ రహదారిలో జర్నీ చేయాలనే ఇంట్రెస్ట్ ప్రయాణికులకు కలిగేలా రహదారి నిర్మాణం చేపడతామని అధికారులు అంటున్నారు. ఇటీవల, పూర్వాంచల్, లక్నో-ఆగ్రా.. యమునా ఎక్స్ ప్రెస్‌వేల నిర్మాణం తర్వాత జర్నీ టైమ్ చాలామటుకు తగ్గిందని, నగరాల మధ్య ప్రయాణ సమయం రెండు గంటల వరకు తగ్గిందని అధికారులు చెబుతున్నారు.
కోల్‌కతాకు ప్రయాణించే వారి కోసం సాధారణంగా ఉపయోగించే హైవే NH-19.. ఇది కూడా గోల్డెన్ చతుర్భుజిలో వస్తుంది. ఈ రహదారి ఎక్కువగా ఆరు-లేన్ల విస్తరణతో పాటు అనేక నాలుగు-లేన్ల విస్తరణలను కలిగి ఉంటుంది. నేషనల్ హైవేస్ అథారిటీ ఆఫ్ ఇండియా (NHAI) తెలిపిన వివరాల ప్రకారం.. ఢిల్లీ నుండి కోల్‌కతాకు నియంత్రిత ఎక్స్ ప్రెస్ వే వారణాసి రింగ్ రోడ్ నుండి ప్రారంభమై పశ్చిమ బెంగాల్‌లోని ఉలుబెరియా సమీపంలో NH-16ని కలుస్తుంది. దీని నిర్మాణం కోసం.. బీహార్‌లోని తిలోతు నుండి ఇమామ్‌గంజ్ వరకు 80 కిలోమీటర్ల సెక్షన్‌ను స్వాధీనం చేసుకోవాల్సి ఉంది. ఈ రహదారి కోసం భూ సేకరణ ప్రక్రియ కొనసాగుతోంది.