హైదరాబాద్‌, ఆంధ్రప్రభ: సీజేఐ జస్టిస్‌ ఎన్వీ రమణను ప్రముఖ కవి, టీఆర్‌ఎస్‌ ఎమ్మెల్సీ గోరెటి వెంకన్న కలిశారు. శుక్రవారం సాయంత్రం గోరెటి వెంకన్న కేంద్ర సాహిత్య అకాడమీ అవార్డును అందుకోనున్నారు. ఈ సందర్భంగా సీజేఐ జస్టిస్‌ ఎన్వీ రమణను వెంకన్న మర్యాదపూర్వకంగా కలిశారు. కేంద్ర సాహిత్య అకాడమీ అవార్డు వరించిన గోరెటి వెంకన్నను ఎన్వీ రమణ అభినందించి, శాలువాతో సత్కరించారు.
ఈ సందర్భంగా సీజేఐకి వెంకన్న వల్లంకి తాళం కవితా సంపుటిని బహూకరించారు. ఎన్వీ రమణ అభ్యర్థన మేరకు వెంకన్న అడవి తల్లిపై పాటను పాడి వినిపించారు. ఈ సం దర్భంగా చీఫ్‌ జస్టిస్‌ ఎన్వీ రమణ మాట్లాడుతూ… ప్రకృతితో మానవుని జీవితం పెనవేసుకున్న తీరును గోరటి చాలా చక్కగా వల్లంకితాళం పుస్తకంలో అభివర్ణించారని కొనియాడారు. ప్రకృతిలోని అన్ని అంశాలు మనిషిపై సానుకూల ప్రభావం చూపిస్తాయో వివరించారని అభినందించారు.