ఒడిశాలో గూడ్స్ బండి పట్టాలు త‌ప్పింది. రాయగడ్ జిల్లాలోని అంబడోల సమీపంలో ఇవ్వాల (శ‌నివారం) గూడ్స్ రైలుకు చెందిన నాలుగు బోగీలు పట్టాలు తప్పాయి. ఈ ప్రమాదంలో ఎలాంటి ప్రాణ నష్టం జరగలేదని రైల్వే అధికారులు తెలిపారు. అయితే.. ఈ రైలు ప్రత్యేక రూట్లో వెళ్తున్నందున ఇతర రైళ్ల రాకపోకలకు ఎలాంటి అంతరాయం క‌ల‌గ‌లేద‌ని వెల్లడించారు. ఈ విషయం తెలియగానే రైల్వే అధికారులు ఘటనాస్థలానికి చేరుకున్నారు. పట్టాలు తప్పడానికి గల కారణాలను ఆరా తీసే పనిలో ఉన్నారు. గూడ్స్ రైలు అంబడోలా నుండి ప్రత్యేక రూట్ లో లాంజీగర్ వేదాంత లిమిటెడ్ ప్లాంట్ కు వెళ్తున్న‌ట్టు తెలుస్తోంది.
