మహిళలకు బ్యాడ్ న్యూస్.. పెరిగిన బంగారం, వెండి ధరలు

మహిళలకు ఇది చేదు వార్త. బంగారం ధర మళ్లీ పెరిగింది. నిన్న స్థిరంగా కొనసాగిన బంగారం ధర ఈరోజు మాత్రం పైకి కదిలింది. వెండి రేటు కూడా ఇదే దారిలో పయనించింది. హైదరాబాద్ మార్కెట్‌లో శనివారం 10 గ్రాముల 24 క్యారెట్ల బంగారం ధర రూ.160 పెరిగింది. దీంతో బంగారం ధర రూ.48,760కు చేరింది. 10 గ్రాముల 22 క్యారెట్ల బంగారం ధర రూ.150 పెరుగుదలతో రూ.44,700కి చేరింది. బంగారం ధర పెరిగితే.. వెండి రేటు కూడా అదే దారిలో నడిచింది. వెండి ధర ఏకంగా రూ.900 పెరిగింది. దీంతో కేజీ వెండి ధర రూ.68,600కు చేరింది.