నేటి బంగారం ధరలు ఇలా ఉన్నాయి. దసరా, దీపావళి పండగ సీజన్‌లో బంగారానికి మంచి డిమాండ్ నెలకొంది. దీంతో వరుసగా ధరలు ఊ వస్తున్నాయి. గత 3 రోజుల్లో పసిడి ధర బులియన్ మార్కెట్లో భారీగా పెరిగింది. దీంతో బంగారాన్ని కొనాలనుకునే చాలా మంది తమ ప్రణాళికలను వాయిదా వేసుకోవాల్సి వచ్చింది. దేశీయంగా బంగారం ధరలు ఎన్నో అంశాలపై ఆధారపడి ఉంటాయి. అంతర్జాతీయ అంశాలు, ద్రవ్యోల్బణం, సెంట్రల్ బ్యాంక్ గోల్డ్ రిజర్వ్, వడ్డీ రేట్లు, గోల్డ్ మార్కెట్లు వీటన్నింటినీ పరిగణనలోకి తీసుకొని పుత్తడి రేట్లు నిర్ణయిస్తారు.హైదరాబాద్‌లో పసిడి ధర ఒక్కరోజే రూ. 500 మేర పెరిగింది. అక్టోబర్ 5న ఈ నగరంలో 22 క్యారెట్లకు చెందిన 10 గ్రాముల బంగారం రూ. 47,350 పలుకుతోంది. అంతకుముందు రోజు ఈ రేటు 46, 850 వద్ద ఉండటం గమనార్హం.
అక్టోబర్ 3న కూడా తులం పసిడి రూ.350 మేర పెరిగింది. రెండు రోజుల్లోనే ఎంత మార్పో దీనిని బట్టి తెలుస్తోంది. మరోవైపు 24 క్యారెట్లకు చెందిన 10 గ్రాముల బంగారం రూ. 550 మేర పెరిగి హైదరాబాద్‌లో ప్రస్తుతం ఈ రేటు రూ.51,660కి ఎగిసింది. వెండి రేటు భారీగా ర్యాలీ చేసింది. ఏకంగా ఒక్కరోజులోనే రూ. 4200 మేర పెరగడం విశేషం. ఇటీవల కాలంలో ఒక్కరోజులో ఇంత పెరగడం ఇదే తొలిసారి. అక్టోబర్ 4న హైదరాబాద్‌లో కేజీకి రూ.62,500గా ఉన్న సిల్వర్ ధర మరుసటి రోజుకు రూ.66,700కు పెరిగింది. గత నెలలో సిల్వర్ అత్యధిక రేటు కూడా రూ.63 వేల వద్దే ఆగిపోయింది. ఇంకా సెప్టెంబర్ 1న ఆ రేటు రూ.58 వేలుగా ఉంది.దిల్లీ, ముంబయిలో కూడా బంగారం రేట్లు 10 గ్రాములకు రూ. 500 మేర పెరగ్గా.. సిల్వర్ ఒక్కరోజే అక్కడ రూ. 4,400 మేర పెరిగింది. ఆయా ప్రాంతాలను బట్టి.. బంగారం, వెండి ధరల్లో స్వల్ప హెచ్చుతగ్గులు ఉంటాయి.