అగ్ర‌రాజ్యం అమెరికా ఉపాధ్య‌క్షురాలు క‌మ‌లాహారిస్ తో వేదిక‌ను పంచుకుంది గ్లోబ‌ల్ స్టార్ ప్రియాంక‌చోప్రా. ఈ మేర‌కు క‌మాల్ హారిస్‌ను ఇంట‌ర్వ్యూ చేసి ఆక‌ట్టుకుంది. డెమొక్రాటిక్ నేషనల్ కమిటీకి చెందిన విమెన్ లీడర్‌షిప్ ఫోరమ్ ప్రియాంకకు ఈ అవ‌కాశం క‌ల్పించింది. దీన్ని చ‌క్క‌గా సద్వినియోగం చేసుకుంది. భారతీయ సంబంధాలు, వివాహ సమానత్వం, వాతావరణ మార్పు త‌దిత‌ర అంశాల‌ను నటి స్పృశించింది. ఇద్దరికీ కామ‌న్‌ క‌నెన్ష‌న్ అయిన భార‌త్ తో ఆమె ముఖాముఖీని ప్రారంభించింది. ఒక విధంగా మ‌న‌మిద్ద‌రం భారత బిడ్డలమని నేను భావిస్తున్నాను” అని కమలా హారిస్‌తో ప్రియాంక చోప్రా చెప్పింది. మీరు ఒక భారతీయ తల్లి, ఒక జమైకన్ తండ్రికి అమెరికాలో జన్మించిన గర్వించదగిన కుమార్తె.
నేను ఇద్దరు వైద్యులకు పుట్టిన ఇండియ‌న్‌ను. అమెరికాకి ఇటీవలే వలస వచ్చిన వ్యక్తిని. అమెరికాలో నివ‌సించ‌డం ఒక క‌ల అని ఇప్ప‌టికీ విశ్వ‌సిస్తున్న వ్యక్తిని నేను అని ప్రియాంక వ్యాఖ్యానించింది. ఈ ప్ర‌పంచం మొత్తం అమెరికాను స్వేచ్ఛ, నమ్మకానికి ఒక దీప స్తంభంగా చూస్తోందని… యావత్ ప్రపంచానికి ఒక ఎంపికగా అమెరికా ఉందని ప్రియాంక చెప్పింది. ఒక నటిగా 20 ఏళ్లకు పైగా పనిచేసిన తర్వాత, ఈ ఏడాది మాత్రమే తనకు పురుష నటులతో సమానంగా వేతనం లభించిందని చెప్పింది. ఇంతలో, కమలా హారిస్ క‌ల్పించుకొని తాము స్థిరపడని ప్రపంచంలో జీవిస్తున్నామని అంగీకరించారు. తాము గ‌తంలో తీసుకున్న నిర్ణ‌యాలపై ఇప్పుడు అన‌వ‌స‌ర చ‌ర్చ, ప్ర‌శ్న‌లు వ‌స్తున్నాయ‌ని అభిప్రాయ‌ప‌డ్డారు. దీనికి ఉక్రెయిన్‌, ర‌ష్యా యుద్ధ‌మే ఉదాహ‌ర‌ణ అన్నారు.