ప్రపంచం అంతా భారత ప్రధాని మోదీని కొనియాడుతుంటే.. దేశంలో ఉన్న ప్రతిపక్ష కాంగ్రెస్ నేతలు మాత్రం నిత్యం తిడుతున్నారని, కులం, మతం పేరుతో దూషిస్తున్నారని బీజేపీ జాతీయ అధ్యక్షుడు జేపీ నడ్డా అన్నారు. ఇవ్వాల (ఆదివారం) నాగర్కర్నూల్ జిల్లా కేంద్రంలో జరుగుతున్న నవ సంకల్ప సభలో ఆయన ప్రజలనుద్దేశించి ప్రసంగించారు.
మోదీ ది బాస్ అని దేశాధినేతలే కొనియాడుతున్నారన్నారు. ఈజిప్టు అత్యున్నత పురస్కారం మోదీకి దక్కిందన్నారు. ఆర్థికంగా దూసుకుపోతున్న దేశం మనదే. ఆయన దేశానికి ప్రపంచానికి ఎంతో చేశారు. తెలంగాణలో 11300 కోట్లతో అభివృద్ధి చేపట్టారు. రైల్వే లైన్ డబ్లింగ్, వందే భారత్ రైళ్లను మోదీ ఇచ్చారు.
2300 కిలోమీటర్ల రూట్లను తెలంగాణలో వేశాం. తెలంగాణలో డబుల్ బెడ్రూం ఇండ్ల పేరుతో అవినీతికి పాల్పడ్డారు. 2019లో నిధులు దుర్వినియోగంపై ఐదుగురు సభ్యులతో కమిటీ వేశారు. బీబీనగర్ ఎయిమ్స్, సికింద్రాబాద్ రైల్వే స్టేషన్ల ఆధునికీరణ చేపట్టాం.