– డిజిటల్ మీడియా, ఆంధ్రప్రభ
బిహార్‌లోని మధుబని జిల్లాలో మైనర్ బాలికపై సామూహిక అత్యాచారం చేసి విక్రయించిన కేసులో ఒక మహిళ సహా ముగ్గురిని అరెస్టు చేశారు. బాలికపై పోలీసు సిబ్బందితో సహా పలువురు వ్యక్తులు లైంగిక వేధింపులకు పాల్పడ్డారని, వ్యభిచారం నిర్వహిస్తున్న ఓ మహిళకు 50వేల రూపాయలకు అమ్మేశారని పోలీసుల విచారణలో వెల్లడయ్యింది. గురువారం రాత్రి ఉత్తరప్రదేశ్‌లోని మౌ జిల్లాకు చెందిన బృందం సోనీదేవి అనే మహిళా పింప్ (వ్యభిచారం నిర్వహించే మహిళ) చెర నుంచి బాధిత బాలికను రక్షించి కేసును ఛేదించడంతో ఈ ఘటన వెలుగులోకి వచ్చింది.
అరెస్టయిన వారిలో జైనగర్‌లోని అశోక్ మార్కెట్‌లో నైట్‌గార్డు సోనీ దేవి, అర్జున్ యాదవ్, ఎలక్ట్రీషియన్ సాజన్ కుమార్‌గా ఉన్నారు. జైనగర్ పోలీస్ స్టేషన్‌కు చెందిన ఆచార్య పోలీస్ డ్రైవర్, రామ్‌జీవన్ పాశ్వాన్ అనే చోకీదార్ పరారీలో ఉన్నారు. బాధితురాలు నెల రోజుల క్రితం తన సొంత ఊరు మౌ నుండి దారితప్పి మధుబని జిల్లా జైనగర్ పట్టణానికి చేరుకుంది. అశోక్ మార్కెట్‌లో తిరుగుతున్నప్పుడ ఆమె తనను ఏకాంత ప్రదేశానికి తీసుకెళ్లిన అర్జున్ యాదవ్ సహాయం కోరింది. అతను తన ఇతర ముగ్గురు స్నేహితులను కూడా పిలిచాడు. వారు ఆమెపై అత్యాచారం చేసి ఒక గదిలో బంధించారు. ఆమెపై వారు పదేపదే లైంగిక దాడికి పాల్పడ్డారు. అంతేకాకుండా ఆ బాలికను ఇతరులకు కూడా అప్పగించి వారితోనూ ఆ పనిచేయించారు.
ఇక.. బాధితురాలు ఇంట్లో కనిపించకపోవడంతో మౌలోని పోలీస్ స్టేషన్‌లో మిస్సింగ్ కేసు నమోదైంది. సమాచారం మేరకు మౌ పోలీసుల బృందం మధుబని జైనగర్ పట్టణానికి చేరుకుని ప్రాణాలతో బయటపడిన సోనీ దేవి ఇంటిపై దాడి చేసింది. పోలీసులు వెంటనే ఆమెను రక్షించి మహిళను అదుపులోకి తీసుకున్నారు. ఘటనను ధ్రువీకరిస్తూ జిల్లా పోలీసులు నిందితుడిని అరెస్టు చేసినట్లు జైనగర్ పోలీస్ స్టేషన్ ఎస్‌హెచ్‌ఓ సంజయ్ కుమార్ తెలిపారు. ఇతర నిందితులను అరెస్టు చేసేందుకు తదుపరి విచారణ కొనసాగుతోంది.
జైనగర్ SDPO మాట్లాడుతూ “మౌ పోలీసులు ఒక మహిళా పింప్ ఇంటిపై దాడి చేశారు. ఇప్పటి వరకు ముగ్గురిని అరెస్ట్ చేసి విచారణ జరుపుతున్నారు. విచారణలో మా వద్ద కొన్ని నిందితుల పేర్లు ఉన్నాయి. ప్రస్తుతం దాడులు జరుగుతున్నాయి. త్వరలో వారిని కటకటాల వెనక్కి పంపిస్తాం”అన్నారు.