భారత ఆర్మీ తదుపరి చీఫ్గా లెఫ్టినెంట్ జనరల్ మనోజ్ పాండే నియమితులయ్యారు. 29వ ఆర్మీ చీఫ్ జనరల్ మనోజ్ ముకుంద్ నరవాణే ఏప్రిల్ 30వ తేదీన తన పదవీకాలాన్ని పూర్తి చేయనున్నారు. కాగా, తర్వాత కార్ప్స్ ఆఫ్ ఇంజనీర్స్ నుండి చీఫ్ ఆఫ్ ఆర్మీ స్టాఫ్ అయిన మొదటి అధికారి అవుతారు. ఆర్మీ స్టాఫ్ తదుపరి చీఫ్గా లెఫ్టినెంట్ జనరల్ మనోజ్ పాండేను నియమించాలని ప్రభుత్వం నిర్ణయించింది. అని రక్షణ మంత్రిత్వ శాఖ సోమవారం ప్రకటించింది. నేషనల్ డిఫెన్స్ అకాడమీ పూర్వ విద్యార్థి, పాండే డిసెంబర్ 1982లో కార్ప్స్ ఆఫ్ ఇంజనీర్స్ లో నియమితులయ్యారు. జమ్మూ, కాశ్మీర్‌లోని నియంత్రణ రేఖ వెంబడి పల్లన్‌వాలా సెక్టార్‌లో ఆపరేషన్ పరాక్రమ్ సమయంలో లెఫ్టినెంట్ జనరల్ మనోజ్ పాండే ఇంజనీర్ రెజిమెంట్‌కు నాయకత్వం వహించారు.
ఆపరేషన్ పరాక్రమ్, పశ్చిమ సరిహద్దులో పెద్ద ఎత్తున దళాలు, ఆయుధాల సమీకరణ, డిసెంబర్ 2001 పార్లమెంటుపై జరిగిన ఉగ్రదాడి తరువాత భారతదేశం, పాకిస్తాన్‌లను యుద్ధం చేసే దాకా తీసుకువచ్చింది. తన 39 ఏళ్ల సైనిక జీవితంలో లెఫ్టినెంట్ జనరల్ పాండే వెస్ట్రన్ థియేటర్‌లో ఇంజనీర్ బ్రిగేడ్‌కు, ఎల్‌ఓసి వెంబడి పదాతిదళ బ్రిగేడ్‌కు, లడఖ్ సెక్టార్‌లోని పర్వత విభాగానికి.. ఈశాన్య భాగంలో ఒక కార్ప్స్ కు నాయకత్వం వహించారు. ఈస్టర్న్ కమాండ్ బాధ్యతలు చేపట్టకముందు అండమాన్, నికోబార్ కమాండ్ కమాండర్-ఇన్-చీఫ్ గా కూడా ఉన్నారు.