హెలికాప్టర్ లో కూతురిని – అత్తారింటికి పంపిన రైతు

సత్నా జిల్లాలోని మైహర్ బెల్దారా గ్రామంలో ఒక రైతు అజయ్ సింగ్ కుమార్తె ఆయుషి, రేవా నివాసి అరవింద్ సింగ్‌ను వివాహం చేసుకుంది. ఆయుషి ఊరేగింపు ఏప్రిల్ 27 న వచ్చింది, అన్ని వివాహ ఆచారాల తర్వాత, ఏప్రిల్ 28 న ఆమెకు వీడ్కోలు ప‌లికారు. ఈ వీడ్కోలు కోసం అరిహంత్ కంపెనీకి చెందిన హెలికాప్టర్ రాజస్థాన్ నుండి ప్రత్యేకంగా ఆర్డర్ చేయించారు. ఆయుషి ఇండోర్‌లో ఇంజనీర్ కాగా, ఆయుషి భర్త అరవింద్ నేవీలో లెఫ్టినెంట్ కమాండర్. కూతురికి అంగరంగ వైభవంగా పెళ్లి చేయాలనేది తండ్రి అజయ్ సింగ్ కల.. మైహార్‌లోని వివాహ వేదిక పక్కనే హెలిప్యాడ్ నిర్మించబడింది. ఇంటిలో జ‌రిగిన మొద‌టి శుభ‌క‌ర్యాన్ని ఇంటి స‌భ్యులంతా క‌లిసి క‌ట్టుగా జ‌రిపారు.. అదే ఉత్సాహంతో కూతురికి ఘ‌నంగా వీడ్కోలు పలికారు. . వధూవరులు హెలికాప్టర్ ఎక్కి రేవాకు బయలుదేరారు. రేవా సైనిక్ విద్యాలయ సమీపంలోని హెలిప్యాడ్‌లో విమానం దిగింది, అక్కడి నుంచి కారులో ఇంద్ర నగర్‌లోని కొత్త జంట ఇంటికి చేరుకున్నారు. సత్నా జిల్లాలోని మైహార్‌లో హెలికాప్టర్‌లో పెళ్లి కూతురికి వీడ్కోలు పలకడం ఇదే తొలిసారి. ఇలా గతంలో ఎన్నడూ జరగలేదు. ఈ అపూర్వ వీడ్కోలు చూసేందుకు ప్రజలు పెద్ద ఎత్తున తరలివచ్చారు. ప్రజలు ఈ చిరస్మరణీయ క్షణాన్ని మొబైల్ కెమెరాల్లో బంధించారు.