భార‌త కెప్టెన్ రోహిత్ శ‌ర్మ పాదాల‌ను తాకిన అభిమాని-ఉలిక్కిప‌డ్డ భ‌ద్ర‌తా సిబ్బంది

క్రికెట‌ర్ రోహిత్ శ‌ర్మ కోసం ఓ అభిమాని భ‌ద్ర‌త‌ని ఉల్లంఘించి మైదానంలోకి ప్ర‌వేశించాడు. తిరువనంతపురం వేదిక‌గా దక్షిణాఫ్రికాతో గురువారం రాత్రి జరిగిన మొదటి టీ20 సందర్భంగా ఒక అభిమాని భద్రతను ఉల్లంఘించి మైదానంలోకి ప్రవేశించాడు. భారత కెప్టెన్ రోహిత్ శర్మ పాదాలను తాకాడు. భార‌త్ ఫీల్డింగ్ చేస్తుండ‌గా ఈ ఘ‌ట‌న జ‌రిగింది. ఒక్క‌సారి ఉలిక్కిప‌డ్డ భద్ర‌తా సిబ్బంది ఆ వ్య‌క్తిని అదుపులోకి తీసుకున్నారు. ఈ మ్యాచ్ కోసం తిరువ‌నంత‌పురం వ‌చ్చిన రోహిత్ శ‌ర్మ‌, విరాట్ కోహ్లీకి అభిమానులు భారీ కటౌట్ ల‌తో స్వాగ‌తం ప‌లికారు. మూడు మ్యాచ్ ల సిరీస్‌లో భాగంగా జ‌రిగిన ఈ పోరులో భార‌త్ 8 వికెట్ల‌తో తేడాతో ద‌క్షిణాఫ్రికాను చిత్తు చేసింది. తొలుత దక్షిణాఫ్రికా 20 ఓవ‌ర్ల‌లో 8 వికెట్ల‌కు 106 స్కోరు మాత్ర‌మే చేసింది. త‌ర్వాత కేఎల్‌ రాహుల్, సూర్యకుమార్ యాదవ్ అజేయ అర్ధ సెంచ‌రీల‌తో నాలుగు వికెట్లు మాత్ర‌మే కోల్పోయి ల‌క్ష్యాన్ని సులువుగా ఛేదించింది. ఇరు జ‌ట్ల మ‌ధ్య రెండో టీ20 ఆదివారం గువాహ‌తిలో జ‌రుగుతుంది.