తెలంగాణ రాజధాని హైదరాబాద్‌లో జరుగుతున్న భారతీయ జనతా పార్టీ జాతీయ కార్యవర్గ సమావేశానికి మహారాష్ట్ర ఉప ముఖ్యమంత్రి దేవేంద్ర ఫడ్నవీస్ హాజరుకావడం లేదని పార్టీ వర్గాలు తెలిపాయి. శుక్రవారం ఇక్కడ రాష్ట్ర బీజేపీ ప్రధాన కార్యాలయంలో జరిగిన వేడుకలకు కూడా ఆయన గైర్హాజరయ్యారు.ఉద్ధవ్ థాకరే నేతృత్వంలోని మహా వికాస్ అఘాడీ (MVA) ప్రభుత్వం రద్దయిన తర్వాత మహారాష్ట్రలో తిరిగి అధికారంలోకి వచ్చిన సందర్భంగా దక్షిణ ముంబైలోని పార్టీ కార్యాలయంలో ఈ కార్యక్రమం జరిగింది.
మహారాష్ట్ర నూతన ముఖ్యమంత్రి ఏక్‌నాథ్ షిండే నేతృత్వంలోని కొత్త ప్రభుత్వంలో తాను భాగం కాబోనని గురువారం ప్రకటించిన ఫడ్నవీస్, ఆ తర్వాత ఉప ముఖ్యమంత్రిగా ప్రమాణం చేసినప్పటికీ ఈ వేడుకకు మాత్రం హాజరు కాలేదు. జులై 3 నుంచి రెండు రోజుల పాటు జరగనున్న మహారాష్ట్ర శాసనసభ ప్రత్యేక సమావేశానికి ముందు ఆయన తన నివాసంలో సమావేశాలు నిర్వహించడంలో బిజీగా ఉన్నారని మాజీ ముఖ్యమంత్రి సన్నిహితుడు తెలిపారు.
శనివారం నుంచి హైదరాబాద్‌లో ప్రారంభం కానున్న పార్టీ జాతీయ కార్యవర్గానికి ఫడ్నవీస్ హాజరవుతారా? అని అడిగిన ప్రశ్నకు “ఆయన మా జాతీయ నాయకులతో మాట్లాడి ఇక్కడి పరిస్థితుల గురించి వారికి తెలియజేశారు. శాసనసభ సమావేశాల తేదీలు అతి దగ్గర్లో ఉన్నందున ఆయన హైదరాబాద్ సమావేశానికి హాజరుకావడం లేదు”అని వెల్లడించారు. కాగా, శుక్రవారం సాయంత్రం ఓ హోటల్‌లో జరిగే బీజేపీ శాసనసభ్యుల సమావేశంలో ఆయన ప్రసంగం ఉంటుందని వర్గాలు తెలిపాయి.
శివసేన-ఎన్‌సీపీ-కాంగ్రెస్ ప్రభుత్వం పతనానికి దారితీసిన శివసేనలో చీలికను ఉపయోగించుకోవడంలో కీలక పాత్ర పోషించిన ఫడ్నవీస్ మళ్లీ ముఖ్యమంత్రి అవుతారని అందరూ ఊహించారు. అయితే గురువారం సాయంత్రం, గవర్నర్‌ను కలిసిన తర్వాత విలేకరుల సమావేశంలో తిరుగుబాటు సేన నాయకుడు షిండే తదుపరి ముఖ్యమంత్రి అవుతారని, తాను ప్రభుత్వంలో భాగం కానని ఫడ్నవీస్ ప్రకటించారు. కానీ, రాష్ట్రం ఆశ్చర్యపోయే వార్తలతో కొట్టుమిట్టాడుతుండగా, బీజేపీ జాతీయ అధ్యక్షుడు జేపీ నడ్డా ఫడ్నవీస్‌ను డిప్యూటీ సీఎం పదవికి అంగీకరించమని కోరినట్లు సమాచారం. 2014 నుంచి 2019 వరకు రాష్ట్రంలో బీజేపీ-సేన ప్రభుత్వానికి ఫడ్నవీస్ నేతృత్వం వహించినప్పుడు షిండే మంత్రిగా ఉన్నారు.