హ‌మాలీగా మాజీ ఐపీఎస్ .. రూ. వంద సంపాదించాన‌ని ట్వీట్ ..

హ‌మాలీ అవ‌తార‌మెత్తారు మాజీ ఐపీఎస్ ప్ర‌వీణ్ కుమార్..ఆయ‌న‌కి అంత అవ‌స‌రం ఏం వ‌చ్చింద‌నుకుంటున్నారా..ధాన్యం కొనుగోలు కేంద్రంలో రైతులు ఎదుర్కొంటున్న ఇబ్బందుల‌ను తెలుసుకునేందుకు ఆయ‌న ప‌లు జిల్లాల్లో ప‌ర్య‌టిస్తున్నారు. ఈ సంద‌ర్భంగా న‌ల్గొండ జిల్లా నార్క‌ట్ ప‌ల్లి వ‌ద్ద ఉన్న కొనుగోలు కేంద్రాల‌ను ప్ర‌వీణ్ కుమార్ సంద‌ర్శించారు. ఈ మేర‌కు లారీల్లోకి బస్తాలను ఎక్కిస్తున్న హమాలీలతో ముచ్చటించారు. ఈ క్రమంలో ఆయన కూడా ఓ హమాలీగా అవతారమెత్తారు. హమాలీలతో కలిసి ధాన్యం బస్తాలను మోశారు. దీనిపై ఆర్ఎస్ ప్రవీణ్ ట్వీట్ చేశారు. ‘ఈరోజు నల్గొండ జిల్లా నార్కట్‌పల్లి వరి కల్లంలో హమాలీ పని చేసి ₹100/- సంపాదించాను. శ్రమైకజీవన సౌందర్యానికి సమానమైనది లేనే లేదోయ్..అని ఆయన ట్వీట్ చేశారు. ఆయ‌న బ‌స్తాలు మోసిన ఫొటోలు వైర‌ల్ గా మారాయి.