ఆడికి బ్రాండ్ అంబాసిడ‌ర్ గా – టాలీవుడ్ సూపర్ స్టార్ మ‌హేశ్ బాబు

పెద్ద‌బ్రాండ్ ల‌ను ఎండార్స్ చేయ‌డంలో టాలీవుడ్ సూప‌ర్ స్టార్ మ‌హేశ్ బాబు టాప్ లో ఉంటారు.. తాజాగా మరో ఖరీదైన యాడ్ మహేష్ బాబు ఖాతాలో పడింది. మహేష్ అత్యంత ఖరీదైన కారు ఆడి బ్రాండ్ అంబాసిడర్‌గా సైన్ చేశారు. త్వరలో విడుదల కానున్న ఆడి తాజా ఎలక్ట్రిక్ వెర్షన్‌ను ప్రమోట్ చేయనున్నారు. ఈ ప్రతిష్టాత్మకమైన బ్రాండ్ ఎండార్స్‌మెంట్‌ కు సంబంధించి మరిన్ని వివరాలు తెలియాల్సి ఉంది. కాగా ప్రస్తుతం మహేష్ బాబు “సర్కారు వారి పాట” సినిమాలో నటిస్తున్నారు. పరశురామ్ దర్శకత్వంలో రూపొందుతున్న ఈ సినిమాలో కీర్తి సురేష్ హీరోయిన్ గా నటిస్తుండగా, తమన్ సంగీతం అందిస్తున్నారు. ఒక పాట మినహా సినిమా షూటింగ్ పూర్తయ్యింది.