ర‌ష్యా బాంబ‌ర్ బేస్ పై డ్రోన్ దాడి చేసిన ఉక్రెయిన్.. ముగ్గురు మృతి

ఉక్రెయిన్ డ్రోన్ ర‌ష్యాలోని ఏంజిల్స్ బాంబ‌ర్ బేస్ పై దాడి చ‌చేయ‌గా..ఈ ఘ‌ట‌న‌లో ముగ్గురు చ‌నిపోయిన‌ట్లు ర‌ష్యా ర‌క్ష‌ణ శాఖ తెలిపింది. వైమానిక ర‌క్ష‌ణ వ్య‌వ‌స్థ ఆ డ్రోన్‌ను కూల్చివేసింద‌ని, కానీ ఆ డ్రోన్ శిథిలాలు కింద‌ప‌డ‌డం వ‌ల్ల ముగ్గురు మృతి చెందిన‌ట్లు అధికారులు తెలిపారు. స్ట్రాట‌జిక్ బాంబ‌ర్ విమానాల బేస్‌గా ఏంజిల్స్ విమానాశ్ర‌యం ప‌నిచేస్తున్నది. బోర్డ‌ర్‌కు 500కిలోమీట‌ర్ల దూరంలో ఆ బేస్ ఉంది. లో ఆల్టిట్యూడ్‌లో వెళ్తున్న ఉక్రెయిన్‌ డ్రోన్‌ను కూల్చివేసిన‌ట్లు ర‌ష్యా ర‌క్ష‌ణ శాఖ తెలిపింది. స‌ర‌టోవ్ ప్రాంతంలో ఆ బేస్ ఉంది. డ్రోన్ దాడి వ‌ల్ల ప్ర‌జ‌ల‌కు ఎటువంటి ప్ర‌మాదం లేద‌ని గ‌వ‌ర్న‌ర్ వెల్ల‌డించారు.