క‌రోనా బారిన ప‌డుతున్నారు ప‌లువురు సినీ సెల‌బ్రిటీలు. తాజాగా స్టార్ డైరెక్ట‌ర్ మ‌ణిర‌త్నంకి క‌రోనా పాజిటీవ్ గా నిర్థార‌ణ అయింది.ఆయన చెన్నైలోని ఓ ఆసుపత్రిలో చేరారు. ఆయన ఆరోగ్యానికి సంబంధించి మరిన్ని వివరాలు తెలియాల్సి ఉంది. ఆయన భార్య, నటి సుహాసిని త్వరలోనే ఇందుకు సంబంధించిన వివరాలను వెల్లడించే అవకాశం ఉంది. మణి రత్నం ప్రస్తుతం ‘పొన్నియన్ సెల్వన్’ సినిమా కోసం పనిచేస్తున్నారు. ఈ నెల 8న నిర్వహించిన ఈ సినిమా టీజర్ లాంచింగ్‌కు మణిరత్నం ఇటీవల హాజరయ్యారు. ఇదే సినిమా పోస్టుప్రొడక్షన్ వర్క్‌లో బిజీగా ఉన్న ఆయనకు ఇటీవల కొవిడ్ సోకింది.ప్రస్తుతం అపోలో ఆసుపత్రిలో చికిత్స పొందుతున్న ఆయనకు సంబంధించిన వివరాలను వైద్యులు కూడా వెల్లడించలేదు. దీంతో.. ఆయన అభిమానుల్లో ఆందోళన నెలకొంది. ఆయన త్వ‌ర‌గా కోలుకోవాల‌ని ఆయన ఫ్యాన్స్ కోరుకుంటున్నారు.
Advertisement
తాజా వార్తలు
Advertisement