మ‌రికొన్ని రోజుల్లో 2021వ సంవ‌త్స‌రం ముగియ‌నుంది. ఈ ఏడాదిలో ఎన్నో ప్ర‌మాదాలు జ‌రిగాయి. క‌రోనా వైర‌స్ తో పాటు ఒమిక్రాన్ వేరియంట్ క‌ల‌వ‌ర ప‌రుస్తుంది. ఇక యాక్సిడెంట్స్ సంగ‌తి స‌రేస‌రి. ఆర్మీ హెలికాఫ్ట‌ర్ కూలిన ఘ‌ట‌న ఇలా ప‌లు విషాదాల‌తో ముగుస్తుంది 2021. ఈ సంవ‌త్స‌రంలోనే ప‌లువురు సినీ సెల‌బ్రిటీలు విడిపోయిన సంఘ‌ట‌న‌లు జ‌రిగాయి. మ‌రి విడిపోయిన వారిలో ఎవ‌రెవ‌రు ఉన్నారో చూద్దాం.
టాలీవుడ్ మోస్ట్ యంగ్ క‌పుల్స్ నాగ‌చైత‌న్య, స‌మంత‌లు విడిపోవడం బాధాక‌ర విష‌యం. ప్రేమించి పెళ్లి చేసుకున్న ఈ జంట విడిపోవ‌డానికి కార‌ణాలు ఇంత‌వ‌ర‌కు తెలియ‌రాలేదు. ప‌లు పుకార్లు వ‌చ్చినా వాటిని స‌మంత కొట్టిప‌డేశారు. వీరిద్దరూ 2009లో తమ చిత్రం ఏ మాయ చేసావే సెట్స్ లో కలుసుకున్నారు. ఎనిమిదేళ్ల ప్రేమాయణం అనంతరం 2017లో వివాహం చేసుకున్నారు. వారి విడిపోవడాన్ని ఫ్యాన్స్ జీర్ణించుకోలేక‌పోతున్నారు.
ఈ ఏడాదిలో బాలీవుడ్ స్టార్ నటుడు అమీర్ ఖాన్ – కిరణ్ రావ్ తమ 15 ఏళ్ల వైవాహిక జీవితానికి స్వ‌స్తి చెప్పారు. వారి విడిపోవడం అభిమానులను షాక్ కు గురి చేసింది. పవర్ ఫుల్ జంట సోషల్ మీడియాలో ఉమ్మడి ప్రకటన ద్వారా షాకింగ్ వార్తను పంచుకున్నారు. అమీర్ తన మొదటి భార్య రీనా నుండి విడాకులు తీసుకున్న తర్వాత కిరణ్ ని వివాహం చేసుకున్నాడు. ఈ జంటకు ఆజాద్ అనే కొడుకు ఉన్నాడు.
ప్రముఖ గాయకుడు హనీ సింగ్ – అతని భార్య షాలిని 2011లో పెళ్లి చేసుకున్న చిన్ననాటి ప్రేమికులు. హనీ సింగ్ పై గృహహింస .. వ్యభిచారం ఆరోపణలు చేసిన షాలిని ఈ ఏడాది ఆగస్టులో గాయకుడి నుంచి విడిపోతున్నట్టు ప్రకటించింది. 10 సంవత్సరాల వైవాహిక జీవితం తర్వాత ఈ జంట విడిపోయారు. విడాకుల వార్తలకు ముందే ఈ జంట తమ 10వ వివాహ వార్షికోత్సవాన్ని జరుపుకోవడం విశేషం.
ప్రముఖ టెలివిజన్ నటులు కరణ్ మెహ్రా – నిషా రావల్ విడిపోయారనే వార్త వారి అభిమానులను షాక్ కు గురి చేసింది. 2012లో పెళ్లి చేసుకున్న ఈ జంట ఒకరిపై మరొకరు తీవ్ర ఆరోపణలతో వైవాహిక జీవితాన్ని ముగించుకున్నారు.
కీర్తి కుల్హారీ- సాహిల్ సెహగల్
నటి కీర్తి కుల్హారి పింక్ విడుదలకు కొన్ని నెలల ముందు జూన్ 2016లో నటుడు సాహిల్ సెహగల్ ను వివాహం చేసుకుంది. ఏప్రిల్ 2021లో కీర్తి కుల్హారి తన భర్త నుండి విడిపోతున్నట్లు ప్రకటించింది. తమ పరస్పర విభజన నిర్ణయాన్ని తెలుపుతూ కీర్తి ఒక సాధారణ గమనికను పంచుకుంది. వివాహమైన 5 సంవత్సరాల తర్వాత ఈ జంట విడిపోతున్నట్లు ప్రకటించారు. క్రికెట‌ర్ శిఖర్ ధావన్- అయేషా ముఖర్జీ… నుస్రత్ జహాన్ – నిఖిల్ జైన్.. బిల్ గేట్స్ – మిలిందా ఫ్రెంచ్.. ఎలన్ మస్క్ – గ్రిమ్.. వీళ్లంతా కూడా విడాకులు తీసుకుంటున్నట్టు ప్రకటించారు. ఈ వార్తలు గూగుల్ లో ట్రెండ్ అయ్యాయి.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..