ఇండియన్ మొబైల్ కాంగ్రెస్ ఆరవ ఎడిషన్‌లో 5G సేవలు అధికారికంగా భారతదేశంలో ప్రవేశించాయి. దీంతో 5G నెట్వర్క్ లను రూపొందించిన దేశాల ఎంపిక జాబితాలో భారతదేశం చేరింది. ప్రకటనలు పుష్కలంగా ఉన్నప్పటికీ వినియోగదారులు తమ మొబైల్ స్క్రీన్‌లపై ‘5G’ చిహ్నాన్ని చూడటానికి ఇంకా కొంత సమయం ఉంది. ఇంతలో తరచుగా వినిపించే ప్రశ్నలు కొన్ని ఉన్నాయి.. వాటిలో ప్రధానంగా వినియోగదారులు భారతదేశంలో 5G సేవలను ఎప్పుడు యాక్సెస్ చేయవచ్చు? – 5G ప్లాన్‌ల ధర ఎంత? – వినియోగదారులు 5G సేవల కోసం వారి SIM కార్డ్ లను మార్చుకోవాలా? అనేటివి బాగా వినిపిస్తున్నాయి. వీటి గురించి కొన్ని వివరాలు తెలుసుకుందాం.
భారతదేశంలో తన 5G నెట్వర్క్ ను ప్రారంభించడాన్ని Jio అధికారికంగా ధ్రువీకరించినప్పటికీ ఈ సేవలు దీపావళి నుండి ఎంపిక చేసిన సీటీస్లో మాత్రమే ప్రారంభమవుతాయి. కంపెనీ తెలిపిన వివరాల ప్రకారం Jio 5G ఇతర ప్రాంతాలకు విడుదల చేయడానికి ముందు ఢిల్లీ, ముంబై, కోల్‌కతా, చెన్నైలలో ప్రారంభించనుంది. అయితే, కంపెనీ తన ‘ట్రూ-5G సేవల’ బీటా ట్రయల్‌ను దసరా సందర్భంగా ప్రకటించింది. ఇందులో భాగంగా ముంబై, ఢిల్లీ, కోల్‌కతా, వారణాసి సహా నాలుగు నగరాల్లో దసరా సందర్భంగా 5G సామర్థ్యాలను పరీక్షించనుంది.
ఇక.. రిలయన్స్ ఛైర్మన్ ప్రకారం, దేశంలో నెట్వర్క్ విస్తరించడానికి కనీసం 18 నెలల సమయం పడుతుందని అంచనా వేస్తున్నారు. దేశంలోని ప్రతి ప్రాంతంలోనూ ఈ నెట్వర్క్ని అందుబాటులోకి తీసుకొస్తామని తెలిపారు ముఖేష్ అంబానీ. అంతేకాకుండా జియోకు అతిపెద్ద ప్రత్యర్థిగా ఎయిర్‌టెల్ ఉండబోతోంది. దేశంలో 5G సేవలను ప్రారంభించిన మొదటి కంపెనీగా అవతరించింది. శనివారం IMCలో ప్రకటనతో ఎయిర్‌టెల్ ఢిల్లీ, ముంబై, వారణాసి, బెంగళూరుతో సహా ఎనిమిది నగరాల్లో 5G సేవలను ప్రారంభించినట్లు తెలిపింది.
అయితే, దీని లభ్యత పరిమితంగా ఉన్నట్లు కనిపిస్తోంది. ఇది వినియోగదారులకు ఎప్పుడు చేరుతుందనే దాని గురించి పెద్దగా సమాచారం లేదు. కంపెనీ యొక్క 5G సేవలు మార్చి 2023 నాటికి దేశవ్యాప్తంగా.. మార్చి 2024 నాటికి భారతదేశం అంతటా అనేక నగరాల్లో అందుబాటులోకి వస్తాయని ఛైర్మన్ సునీల్ భారతి మిట్టల్ తెలిపారు. కాబట్టి, ప్రస్తుతం ఎయిర్‌టెల్ రేసులో ముందంజలో ఉన్నట్లు కనిపిస్తున్నప్పటికీ, జియో దేశవ్యాప్త కవరేజీని మరింత వేగంగా అందించాలని ప్లాన్ చేస్తోంది.
Vodafone Idea, VI అని కూడా పిలుస్తారు. దాని 5G రోల్‌అవుట్ గురించి ఇంకా టైమ్‌లైన్ ఇవ్వలేదు. ప్రత్యేక SIM కార్డ్ లు, పరికర అవసరాల విషయానికి వస్తే.. ఎయిర్‌టెల్ దాని ప్రస్తుత సిమ్ కార్డ్ లు 5G ఎనేబుల్ చేసి ఉందని.. కొత్తగా 5G కనెక్టివిటీ కోసం వినియోగదారులు సిమ్ కార్డ్ లను మార్చుకోవాల్సిన అవసరం లేదని స్పష్టం చేసింది. దసరా నాడు తన 5G సేవల బీటా ట్రయల్‌ను ప్రకటించినప్పుడు వినియోగదారులు ‘కొత్త సిమ్ కార్డ్ అవసరం లేకుండా ఆటోమేటిక్‌గా 5G సేవలకు అప్‌గ్రేడ్ అవుతాయని జియో తెలిపింది. కానీ కంపెనీ Jio యొక్క 5G సేవలను ‘స్వతంత్ర (SA) 5G నెట్వర్క్’ ఆధారంగా మార్కెటింగ్ చేస్తోంది. – ఇది నాన్-స్టాండలోన్ (NSA) నెట్వర్క్ కంటే వేగవంతమైన కనెక్టివిటీ వేగం. భవిష్యత్తులో జియో ప్రత్యేక 5G సిమ్ కార్డ్ లను వినియోగదారులకు అందజేస్తుందా? అనే విషయం కైడా ఆసక్తికరంగా మారింది..
స్మార్ట్ ఫోన్‌ల విషయానికి వస్తే క్యారియర్‌తో సంబంధం లేకుండా తాజా సేవలను పొందేందుకు వినియోగదారులు 5G- ఎనేబుల్ ఉన్న వాటిని వినియోగించాల్సి ఉంటుంది. లేకుంటే అప్‌గ్రేడ్ అవ్వాల్సి ఉంటుంది. అన్ని స్మార్ట్ ఫోన్ బ్రాండ్‌లు ఇప్పటికే వివిధ ధరల స్లాబ్‌లలో 5G పరికరాలతో మార్కెట్‌ను నింపాయి. Jio Google భాగస్వామ్యంతో దీపావళి నాటికి తక్కువ ధరలో 5G ఫోన్‌ను ప్రారంభించాలని కూడా యోచిస్తోంది. అక్టోబర్ నాటికి వినియోగదారులు భారతదేశంలో 5G ఫోన్‌లను రూ. 10,000 నుండి కొనుగోలు చేయవచ్చు. జియో హ్యాండ్‌సెట్ ధర రూ. 8,000 వరకు ఉండవచ్చు.
Jio, Airtel , Vi ద్వారా 5G ప్లాన్‌లు
భారతదేశంలో నిర్దిష్ట 5G ప్లాన్‌లు ఇంకా ఏ నెట్వర్క్ ద్వారా ప్రకటించలేదు. రిలయన్స్ జియో దాని 5G సేవ తక్కువ ధరకే అందించనున్నట్టు తెలిపింది. ఎయిర్‌టెల్ తన 5G సేవలు ఇప్పటికే ఉన్న 4G ధరలకే అందుబాటులో ఉంటాయని ప్రకటించింది. కొత్త టారిఫ్‌లను తర్వాత ప్రకటిస్తామని తెలిపింది.. Vi, ఇంకా అధికారికంగా దాని 5G టారిఫ్‌లను ప్రకటించలేదు.
